'ডা: থিয়াম সুরেশ লিটেরেরি এৱার্দ ২০২৬' বাংলাদেশকী শক্নাইরিবা অইবা এ.কে শেরামদা লান্থোকখ্রে
আগরতলা, মে ২৪ : পেট্রিওটিক রাইটার্স ফোরাম (পি.এ.উব্লিউ.এফ) মণিপুরনা বাংলাদেশকী শক্নাইরবা অইবা অমসুং কবি এ. কে. শেরামদা ডাঃ থিয়াম সুরেশ লিটেরারী এৱার্দ ২০২৬ পীদুনা ইকাইখুম্নখ্রে।
ঙরাং ( মে ২৩, ২০২৬) নুংথিল আগরতলা প্রেস ক্লাবতা পাঙথোকখিবা থৌরম অদুদা মীথুংলেন ওইনা শরুক য়াখিবা মণিপুরগী লাংথবাল কেন্দ্রগী এম.এল.এ. কারাম শ্যামনা মনা অসি লান্থোকখি। থৌরম অদুদা ফোরামগী প্রেসিডেন্ট নাওরোইবম খম্বা লুৱাংনা মীফম মপু ওইনা শরুক য়াখি। লোইননা মণিপুরী সাহিত্য পরিষদ ত্রিপুরাগী প্রেসিডেন্ট এল. বীরমঙ্গল, ফোরামগী পেট্রোন য়াইস্কুল খ্বাইরাকপম অমসুং ক্ষেত্রীময়ুম মাধবী থৌরমদা শরুক য়াখি। ফোরামগী ত্রিপুরা স্টেটকী সেক্রেটারি এন. প্রনয়না তরাম্না ওকপগী ৱারোল পীখি অদুগা পেট্রিওটিক রাইটার্স ফোরাম মণিপুরগী সেক্রেটারি রাকেশ নাওরেমনা থৌরমগী নুংগী ওইবা ৱারোল থমখি।
থৌরম অদুদা বাংলাদেশকী মণিপুরী লাইব্রেরী এণ্ড রিসার্চ সেন্টারগী ফাউন্ডার অঞ্জু অয়েকপম অমসুং অয়েকপম বিমলবুসু ফোরামগী মাইকৈদগী ইকাই খুম্নখি।
থৌরম অদুগা মরী লৈননা সাহিত্য একাডেমী নিউ দিল্লীগী মণিপুরী বোর্ডকী মেম্বার খোইস্নাম বীরোলানা শৈদেন মপু ওইদুনা শৈরেং পাথোকপগী থৌরম অমসু পাঙথোকখি। থৌরমদা ত্রিপুরা, মণিপুর অমসুং বাংলাদেশকী অইবা-অইবী তারামঙারোমনা শরুক য়াখি হাইনা অগরতলাদগী ফংবা পাও অসিনা হাইরি।
সোর্স - লক্ষিপুর অনলাইন
0 কমেন্ট:
কমেন্ট তৌবিয়ু