''মণিপুরী লিটরেচার এন্ড কালচার'' হিরম অসিদা বাংলাদেশতা নোংমগী ইন্তরনেসনেল সেমিনার পাঙথোকখ্রে
সিলেট, এপ্রিল ৮ : বাংলাদেশকী মণিপুরী লাইব্রেরী এ্যন্ড রিছার্স সেন্টর অমসুং পেট্রিওটিক রাইটার্স ফোরাম, মণিপুর অনীনা খুৎশম্নরগা 'মণিপুরী লোন অমদি লিটরেচরগী হৌজিক ওইরিবা ফীভম' হায়বসিদা ইন্টরনেশনেল সেমিনার অমা ঙরাং (এপ্রিলগী ৭, ২০২৬) ভানুবিলদা লৈবা লক্ষ্মী নারায়ণ মান্ডপতা পাঙথোকখ্রে।
বাংলাদেশ মণিপুরী সাহিত্য সংসদ (বামসাস) কী প্রেসিডেন্ট কবি এ.কে শেরামনা মোডেরেটর ওইদুনা পাঙথোকখিবা সেমিনার দা ফোরামগী সেক্রেটারী রাকেশ নাওরেমনা নুংগী ওইবা ৱারোল ফোঙদোকখি। সেমিনার অদুদা 'বংলাদেশতা মণিপুরী লোল অমদি লিতরেচরগী হৌজিক ওইরিবা ফিভম' হায়বা হিরম অসিদা অইবা অমসুং কবি অয়েকপম অঞ্জুনা পেপর পাথোকখি। '' থাবল চোংবা: মীতৈ খুন্নাইগী শক্তাক খুদম অমসুং কালচারবু ঙাকপগী খোংচৎ '' হায়বা হিরমদা বাংলাদেশকী শক্নাইরবা কবি অমসুং অইবা শেরাম নিরঞ্জননা চে পাথোকখি। লোয়ননা মণিপুরদগী অইবা নবকুমারনা 'মালেমগী মীওইবা খুন্নাইদা সনমাহি' হায়বা হিরম অসিদা পেপর পাথোকখি।
অরোইবদা মোডেরেটর কবি এ কে শেরাম না মণিপুরদগী বাংলাদেশতা লাক্লগা পেট্রিওটিক রাইটার্স ফোরামনা ভারত অমসুং বাংলাদেশ লৈবাক অনীগী মরক্তা অফবা অচেৎপা নুংশি মরি শাগৎপসি থাগৎনিঙাইনি হায়না ফোঙদোকখি।
0 কমেন্ট:
কমেন্ট তৌবিয়ু