• 220
• ২৯শে এপ্রিল ২০২৪ ইং
• Share on:

শৈরেং লাইরিক, দ্রামাগী লাইরিক অমসুং নোভেল ফোঙখ্রে

ইম্ফাল, এপ্রিল ২৮ : পোইরৈ কুহ্মৌ খোর্জৈ লূপ, কুম্বীনা শীন্দুনা ’২১ শুবা চহীচাগী ইমা’ হায়না মিংথোনবা শৈরেং লাইরিক অমা ফোঙখ্রে। শক্নাইরবা অইবা অইবী কয়ানা শরুক য়াদুনা কুম্বী ৱার্দ নম্বর-৯ গী ইবুধৌ ঈশিং চায়বা হরাওবুং থেলদা পাঙথোকপা লাইরিক ফোঙবগী থৌরমদা বিষ্ণুপুরগী জেদ ই ও এন চীঙ্খৈ সিংহনা অথোইবা মীথুং, পোইরৈ কুহ্মৌ খোর্জৈ লূপকী প্রেসিদেন্ত ৱাহেংবম বিজয় সিংহনা থৌরম মপু অমসুং কুম্বী ম্যুনিসিপাল কাউন্সিলগী চেয়ারপার্সন ৱাহেংবম প্রিয়োরঞ্জন, দিপুতি ইন্সপেক্তর ওব স্কুলস মোইরাংথেম মেঘচন্দ্র অমসুং ইমাখোলগী ফাউন্দর প্রেসিদেন্ত দাঃ আর কে গুণচন্দ্রনা অথোইবা লেঙবীরকপশিং ওইখি।

          ' ২১ শুবা চহীচাগী ইমা’ হায়না মিংথোনবা শৈরেং লাইরিক ফোংবা থৌরমগী মতাং অমা

ৱাংঙু লাইফম হায় স্কুলদা হেদ মিস্ত্রেস ওইরিবী পোইরৈ কুহ্মৌ খোর্জৈ লুপকী কেশিয়র ভাভিনী অরিবমদা লোলয়ান য়াওদনা ইবা শৈরেং ৬৬ য়াওবা লাইরিক অসি ফোঙবগী থৌরম অইবা-অইবীশিংনা মশানা ইবা শৈরৈং অমমম পাথোক্তুনা খুদোল তমখি।

     রাইতর্স ফোরাম ইম্ফালনা শীন্দুনা  মণিপুর প্রেসক্লাবতা পাঙথোকপা থৌরমগী ক্ষেনফম অমা

অমরোমদা, রাইতার্স ফোরাম ইম্ফালনা শীন্দুনা দাঃ খুমুকচম অজিৎনা হন্দোকপা ‘সোরারেন্স য়ঙ্গেস্ত দতর লৈমশং এন্দ অদর ফোক তেলস’ অমসুং অরাম্বম ওংবী মেমচৌবীনা ইবা লাইরিক অনী ‘তুতেংলোন’ (দ্রামা) অমদি ‘নোংথ্রৈ পরেং’ (নোভেল) ফোঙখ্রে।

রাইতর্স ফোরাম ইম্ফালগী ভাইস প্রেসিদেন্ত ইরেংবম বসন্তনা প্রিসাইদা তৌদুনা মণিপুর প্রেসক্লাবতা পাঙথোকপা থৌরম অদুদা মোর্দন কলেজগী রিতয়ার্দ এসোসিয়েত প্রোফেসার চোংথাম রিতা দেবীনা লাইরিক অসিগী মরমদা ৱা ঙাঙখি। পিঐচ দি স্কোলর নন্দো নিঙোম্বনা ‘তুতেংলোন’ অমসুং স্কুল ওব হ্যুমেনিতি এম য়ুগী দিন ওইরম্বা নহাকপম অরুনানা ‘নোংথ্রৈ পরেং’ হায়বা লাইরিক্কী মতাঙদা ৱা ঙাঙখি।

সোর্স: পোক্নফম