আপডেট:
image

মৈতৈ ময়েক, মণিপুরী ময়েক, মণিপুরী অক্ষর

বিশ্বকবি রবীন্দ্রনাথ ঠাকুরনা হায়- মখল মখল কয়াগী লোল, মখল মখলগী ফিজেৎ, মখল মখল মচু কয়া, মখল মখল জাতিগী ভারত তোঙান তোঙানবগী মরক্তা অমত্তা ওইবা ভারতনি। অসিগুম্বা ভারতকী নোংপোক্তা লৈবা মণিপুর রাজ্য অমনি। চহী লীশিং কয়াম মমাংদগী লৈরক্লবা রাজ্যনি। মণিপুর মৈতৈগী মৈত্রবাকনি। অদুবু মৈতৈ নত্তবা অতৈনা ‘মণিপুর’ হায়। মণিপুরী হায়বা মিং অসি করম্বা মতমদগী হায়খিবনো ইতিহাসকী ৱা ওইরবসু ‘মণিপুর’ হায়না খঙনরকপা অসি মতম কুইরে অমসুং মাইকৈ পুম্নমক্তগী মণিপুর হায়না হায়জিল্লকপনা মৈতৈ ঐখোয়না য়ানিংলবসু য়ানিংদ্রবসু ‘মণিপুর’ হায়রে।

পীক্লবা মণিপুর রাজ্যদসু মখল মখলগী লোল, ফিজেৎ, জাতি খুন্দাদুনা লৈরি। রাজ্য অদুদা মৈতৈনা মশীং য়াম্বা জাতি অমা ওইবগী মগুণ পুম্নমক্কা লোয়ননা মৈহৌরোলদগী লৈরক্লবা মৈতৈনি। মৈতৈ ঐখোয়না মৈতৈনি হায়জরবুস মালেমদা, ইতিহাসতা, রেকর্ডতা মৈতৈবু ‘মণিপুরী’ হায়রবনিনা মৈতৈ লোলবুসু ‘মণিপুরী লোল’ ‘মণিপুরী ভাষা’ ‘মণিপুরী লেঙ্গুয়েজ’ হায়রে। মৈতৈ ঐখোয়সু মখোয়গী মতুং ইন্না মণিপুর, মণিপুরী লৌশিনলে। লৌশিনবদা নত্তে মরা চেৎনা লৈখ্রে। লোয়ননা বাংলা ময়েকসু মৈতৈ লোলগী ময়েক ওইনা মরা চেৎনা লৌখ্রে।

মণিপুরীগী শক্তম, ফিজেৎ, শাজৎ, মালেমগী মীওইদগী তোপ তোপ্পী হায়বসি মিৎনা উবনিনা মসিদা য়েৎননিঙাই লৈতনা ‘মৈতৈ’ জাতিনি হায়না খঙনরি অমসুং লৈরি। মৈতৈ মশেন ঙাংনরিবা লোল অদু অতৈনা খঙদে, মরমসিনা মৈতৈনা মৈতৈ লোল হায়রবসু মৈতৈবু ‘মণিপুরী’ হায়বদগী ‘মণিপুরী লোল’ হায়বনি অমসুং খঙনরিবনি। মৈতৈ লোল করম্বা মতমদগী হায়খিবনো ইতিহাসকী ৱা ওইরবসু ‘মণিপুর’ হায়না খঙনরকপা অসি মতম কুইরে অমসুং মাইকৈ পুম্নমক্তগী মণিপুর হায়না হায়জিল্লকপনা মৈতৈ ঐখোয়না য়ানিংলবসু য়ানিংদ্রবসু ‘মণিপুর’ হায়রে। মৈতৈ ঐখৈায়সু মখোয়গী মতুং ইন্না মণিপুর, মণিপুরী লৌশিনলে। লৌশিনবদা নত্তে মরা চেৎনা লৈখ্রে। লোয়ননা বাংলা ময়েকসু মৈতৈ লোলগী ময়েক ওইনা মরা চেৎনা লৈখ্রে।

মণিপুরীগী শক্তম, ফিজেৎ, শাজৎ, মালেমগী মীওইদগী তোপ তোপ্পী হায়বসি মিৎনা উবনিনা মসিদা য়েৎননিঙাই লৈতনা ‘মৈতৈ’ জাতিনি হায়না খঙনরি অমসুং লৈরি। মৈতৈ মশেন ঙাংনরিবা লোল অদু অতৈনা খঙদে, মরমসিনা মৈতৈনা মৈতৈ লোল হায়রবসু মৈতৈবু ‘মণিপুরী’ হায়বদগী ‘মণিপুরী লোল’ হায়বনি অমসুং খঙনরিবনি। মৈতৈ লোল করম্বা মতমদগী লৈরক্লবনো হায়বসি ইতিহাসনা তাক্লি। মৈতৈ, মণিপুরী লোল হৌজিকসু ঙাংনরি, অতৈনা মনাকোংনা তারি হায়বগী মণিপুরী লোল হৌজিকসু লৈরি। হিংদুনা লৈরি।

লোলদি মিৎনা উদে, নাকোংনা তায়। লোলগী ময়েকনা লোল অদুগী মশকনি। মৈতৈ/মণিপুরী লোলগী মশকতি মতম অসুক কুইবসি অমসুং হৌজিকসু বাংলা ময়েক্তা লৈবনিনা মৈতৈ অমসুং অতৈ অতৈনসু ‘বাংলা’ ময়েক মণিপুরীগী ময়েকনি হায়না খঙনরি। ঐখোয় মৈতৈদসু ইশাগী ‘মৈতৈ ময়েক’ লৈজবদু খঙদবনা য়ামেলে। কনাগুম্বা ঐখোয়গী ইশাগী ইয়েক লৈব্রা? করম হায়না অতৈগী ময়েকতা তাংজরুবনো হায়বা ৱাহংগী পাওখুম লৈতবা নত্তে, লৈরে। লৈ হায়বা নত্তে, লৈরে।

বাংলা ময়েকসি মণিপুরদা বেদগী ধর্ম চঙকপা মতম শতাব্দী ১৮দগী হৌখিবনি হায়বসি মণিপুরগী পন্ডিত ওজাশিংনা হায়রি। মতমদুদা মৈতৈ ময়েককী লাইরিক ময়াম খোমদুনা মৈ থাখিববু মৈতৈ লাইরিক মৈ থাবা (পুয়া মৈ থাবা) হায়না ঙসি ফাওবা শোন্নরি। মতম অদুদা লাইরিক পাবা লাইরিক ইবা ওজাশিং মশীং থিবা য়াবা মতমনি। নিংথৌ দরবারদা খুল্লকতা চিন্থাং-ৱারী তারগা খঙবা মতমনি।

শতাব্দী ১৮ গী মমাং মৈহৌরোলদগী মৈতৈগী ধর্ম, লোল, ময়েক মতিক চানা লৈরম্মী হায়বসিগী খুদম (মিৎনা উবা) সু লৈরে। মিৎনা উবা ফংবগী মনুঙদা খৃষ্টগী নিপাল শুবা শতাব্দীদা মণিপুরদা পানখিবা মৈদিংঙু খোংতেক চাগী (খৃ: ৭৬৩-৭৭৩) মতমগী কোরী কোম্পাক্তা মৈতৈ ময়েকনা ইবা ফয়েং মণিপুরগী ওজাশিংনা তাকপীরে। ময়েক লৈ হায়বসিনা পেঞ্জবদা মৈতৈ অখঙ অহৈ ওজা খরনদি মৈতৈ ময়েক কদায়দা লৈ, করম হায়না পাগনি, করি করি লাইরিক লৈ হায়বসিগী মথৌ অমা ওইনা মীয়ামদা ফোঙদোকপীরে।

মণিপুরী ঐখোয়না মখোয়বু স্বাগত তৌরি। ইশাগী পোৎ মতম অসুক কুইনা কুপ্তুনা লৈরুরবদু হাংদোকপীরবসু লাইবক থিরবা মণিপুরী ঐখোয়দি হরাওবা নুঙাইজবাগ লোয়ননা মিৎনা য়েংদুনা তোকলে পাবদি ঙমদ্রে, খঙদ্রে। লাইরিক হৈবা মণিপুর (মণিপুর, আসাম, কাছাৎ, বাংলাদেশ অমসুং ত্রিপুরা) লাখ লাখ রোমগী মনুঙদা লাখ ১০ রোমদি লাইরিক পাবা, ইবা ঙম্বা শোয়দনা ওইরমগনি। ওজাশিং খরদং নত্তনা হায়রিবা লাখ লাখ মণিপুরীশিং মশাগী ময়েক অসি খঙবদি লায়রে মশক উজদ্রি হায়বা লালোই। লাইবক ফরবা মণিপুরগী মণিপুরীদি মৈতৈ ময়েক খঙলবা ওজাশিংগা হাকথেংনবা ওইবনা ইজাতিগী ইশাগী ইয়েক লৈরে হায়বদু তমজগে, খঙজগে হায়বদা নত্তনা তম্বসু হৌরে।  

মপান মণিপুরদা লৈরিবা (আসাম, কাছাড়, বাংলাদেশ, ত্রিপুরা) মণিপুরীশিংদি পুক্নিং হরাওজবা, নুঙাইজবদা মঙাইরে মখোয়দি ‘কবে পাব বৃন্দাবন’ হায়বদি ‘কৈদৌঙৈ হৈগনি’ হায়দুনা লৈরি। মণিপুরী মচা অমনা জাতি অতৈগী মমান্নবা থেংনবা মতমদা ত্রিপুরাদা ফোঙবা মণিপুরী ময়েকনা ইবা ‘মরূপ’ চেফোঙ, কাছাড়গী ‘নোংপোক মৈরা’ ‘লময়ানবা’ দা ইরিবা মৈতৈ ময়েক অদু পুথোক্তুনা উৎলগা লেমজদুনা লৈরবা মতমনি। ইয়েক তামজরগে হায়দুনা মণিপুরগী মযাম্না হৌরকপা মতমদা ওজাশিং মরক্তা মণিপুরী ময়েকতি ১৬, ২৫, ৩৫ শুই হায়বা ৱাফমৎমা পুথোকপীরক্লে। অদুবু খঙদবশিংদদি করম্না তমগনি হায়বসিগী ৱাথোক থোরক্লে। অখঙ অহৈ ওজাশিংগী পোৎ খঙদবা ঐখোয়গী ৱাথোক ওইনা ইন্থবীরে। মসিগী ৱাথোক ঙসি চহী তরা রোম হেনলে। খঙদবা ঐখোয়বু লৌনা সেমিনার কনফারেন্স কয়া ওইখ্রে।

মণিপুরী ময়েক সিদি মমাংঙৈদগী মশাগী লৈজরবনি। লৈজবা পোৎ মতম অসুক কুইবা কুপ্তুনা লৈরম্বদু অখঙ অহৈ ওজাশিং খরনা হাংদোকপীবনি। মসি অখঙ অহৈ ওজাশিংনা অনৌবা শেমগৎ শাগৎপা নত্তে হায়না খঙদবা ঐখোয়না থাজরিবনি। অখঙ অহৈ ওজাশিংসু লাইগুরুশিংনা ইরম্বা পুয়া কোরবেকশিং অদু নৈনরগা অসিনি হায়বা খঙলগা খঙদবা ঐখোয়দা ফোঙদোকপীবনি। অদুবু জাতিগী অরুবা শক্তম ওইবা ৱাফমদা ৱাথোক থোক্লে।

পৃথিবীগী জাতি ময়ামগী মরকতা মণিপুরীসু অমনি হায়নরিবনি। অতৈ জাতিনা মৈতৈবু শক খঙলদুনা মৈতৈবু ‘মণিপুরী’ হায়রিবনি। মণিপুীগী ইশাগী ইয়েকনি, ময়েকনি হায়বসিসু অতৈ জাতিনা লৌখৎপা ৱাফম অমসু লাকই। ঐখোয়না ‘মৈতৈ লৈবাক’ ‘মৈতৈ লৈবাক’ নি হায়না কন্না লাওবসু মণিপুরগী মণিপুরী খরগী ৱাখলদদি ‘মণিপুর’ অসি মহাভারতকী মণিপুর নত্তে হায়রবসু হেক্তা ওইদে হায়বা ৱাফমসু লাকই। নীংতম্লবা ভারত, গনতন্ত্র ভারত মণিপুর ভারতকী মনুং চল্লবনিনা ঙসি মণিপুরীসু ভারত লৈবাক্কী নাগরিক ওইরে। ঐখোয়গী ভারত্তা ঐখোয় মণিপুরীনা লোল্লিবা ইমালোল অসিবু ভারতকী সংবিধানদা লৌখৎপীদ্রি, য়াবিদ্রি হায়বসিগী ৱাফম অমসু লৈরি।

মী অতৈ জাতিগী ৱাদি থমদুনা ঐখোয় মণিপুরী ইশামক ইশাগী ময়েক খঙদ্রি হায়বগী চাওবা ৱাফম অসি মশীং ১৬,২৫,৩৫ গী ওইবা ৱা নত্তে। অখঙ অহৈ অথোরীটিগী ৱাফম অসি গণতন্ত্রনি হায়বা ৱাখলদা খঙদবা ঐখৈায়গী মথক্তা থাদবিরে। লৈপাক ৱাথোক ওইরে। হৌজিকতি মণিপুরগী বিধানসভাগী মফমদা য়ৌখ্রে। বিধান সভাসু নৈনবা মখৈ নৈনরগা অখঙ অহৈ অথোরিটিগী কমিটি মখুৎতা অদুম শিন্নরক্লে।

ইতিহাসগী যুগতগী নীঙতম্না লৈরক্লবা মণিপুরনি। মণিপুরদা ফুরূপ ফুরূপ মশেন লান তৌনবা, মচিন মনাও লান তৌনরবসু মীখা পোন্দবা নীংতম্না লৈজরম্বা মণিপুর লৈবাকনি। রাজ্য মনুংদা মখোয় মশেন লান তৌনবদা মপাঙ্গল শোনবা কাঙবুনা মপানদগী অতৈগী মতেং লৌরগা অঙম্বা ওইগে নীংতম্না মণিপুরদা পানগে ৱাখলদগী অতৈবু ইংরেজবু মতেংগীদমক বার্তোন তৌনা পুরকসি ইতিহাসনা তাকলিবনি।

মণিপুর বিধানসভানা খনগৎপা অখঙ অহৈশিংগী কমিটিগী মনুংদা য়েক, স্ক্রীপ্টকী অখঙ অহৈ অথোরিটি মণিপুরী নত্তবা অতৈসু য়াওরবা য়াই। মখোয়গী মিৎয়েংদা ময়েক অসি মণিপুর, মৈতৈগী ময়েক নত্তে হায়বগী ৱাফমসু লাকপা য়াই। হায়রিবা ৱাফম অসি ময়েক মশীংগী ৱা নত্তে। মৈতৈগী ময়েক মসিনি খঙলবা মতুং মশীং কয়া শুই হায়বদু লাক্কদবনি।

(ৱারেং অসি ইং কুমজা ১৯৭৮ দা ফোঙবা ‘শরৎকী ঈচেল’ দগী লৌখৎচবনি)

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু