মহারাজকুমার হোজাইঙম্বদা 'নাত্য রতন এৱার্দ -২০২৫' লান্থোক্তুনা ইকায়খুম্নখ্রে
ইম্ফাল, জনুয়ারী ২ঃ মণিপুরগী থিএতর পার্সনেলিতি মহারাজকুমার হোজাইঙম্বা সিংহদা চহী অসিগী নাত্য রতন এৱার্দ-২০২৫ লান্থোক্তুনা ইকায়খুম্নখ্রে।
লেমজনিংঙাই ওইবা মনা অসি হন্দক করৱান গ্রুপনা ক্যুরেতেদ ক্লাসিক্সকা খুৎশম্নরগা লৈবাক অসিগী লৈখিদ্রবা বিজিনেস তাইকুন রতন নবল তাতাদা ত্রিব্যুত তৌদুনা হৌখিবা দিসেম্বর ২৫-২৮ ফাওবা মুম্বাইদা লৈবা যশৱন্ত নাত্য মন্দিরদা পাঙথোকখিবা মলতিলেংগ্বেল নেসনেল থিএতর ফেস্তিবেল অমা ওইরিবা নাত্য রতন ফেস্তিবেল-২০২৫ লোইশিনবা নুমিত্তা লান্থোকখিবনি।
পনবা য়াবদি, মহারাজকুমার হোজাইঙম্বা, ইং ১৯৮৪দগী থিএতরদা খোঙদারক্তুনা ইন্দিয়ান থিএতরদা শীংথানিংঙাই ওইবা কন্ত্রিব্যুসন তৌরকখি। মধ্য প্রদেশকী গ্বালিয়ারদা লৈবা কাল গ্রুপকী দিরেক্তর অমা ওইনা থিএত্রিকেল প্রদক্সন ৩০গী
মথত্তা পুথোকখ্রে। মহাক্কী প্লেশিংগী মনুংদা সুর্যপুত্র, উরুভঙম, মৃগনয়নি, রাম কী শক্তি পুজা অসিনচিংবা অসি থোইদোক্লা শীংথানরি। মহাক ইং ১৯৯৭তা প্রসিদেন্ত ওব ইন্দিয়া এৱাৰ্দসু ফংখ্রে।
সোর্স : পোক্লফম
0 কমেন্ট:
কমেন্ট তৌবিয়ু