মণিপুর ইউনিভাসির্টিগী ১৫ শুবা কনভোকেশন ত্রিপুরাগী খুমন্থেম অনিমাবু ইকাইখুম্নখ্রে
আগরতলা, মার্চ ৩১ : মণিপুর ইউনিভার্সিটি মহৈরোইশিংনা মহৈ মশিং তমদুনা মায় পাকপা উত্থোকপগী ১৫ শুবা কনভোকেশন থৌরমদা ত্রিপুরাগী খোয়াই জিলা মনুং চনবা গৌড়নগরগী নিঙোল খুমন্থেম অনিমা সিংহবু ইকাইখুম্নখ্রে। চৎখিবা মার্চ ২৭, কাঞ্চিপুরদা লৈবা মণিপুর ইউনিভার্সিটিগী অডিটোরিয়মদা পাঙথোকখিবা কনভোকেশন থৌরমদা মকোক মরু ওইবা মহৈরোইশিংদা গোল্ড মেডেল,সার্টিফিরেট অমসুং মনা মথুমনচিংবা য়েন্থোকখি। থৌরম অদুদা চীফ গেষ্ট ওইখিবা মণিপুর গভর্নর অজয়কুমার ভাল্লানা মনা অসি লানথোকপীখি। ইং ২০১৩ দগী ২০২০ ফাওবগী বেচ্কী তোঙান তোঙানবা ডিপার্টমেন্টশিংদা মকোক মরু ওইখিবা মহৈরোইশিংবু মেডেল, সার্টিফিকেট, কেশ এৱার্দ নচিংবা পীদুনা পুক্নিং থৌগৎপীখিবা মহৈরোইশিংগী মনুংদা ইং ২০২০ বেচকী মণিপুরী জগোইদা ফার্স্ট ক্লাস এম.এ মহৈরোই ত্রিপুরাগী খুমন্থেম অনিমা সিংহদা মৈস্লাম ইবেতোম্বী দেবী মেমোরিয়েল গোল্ড মেডেল' 'উষা দেবী গোল্ড মেডেল' 'গভর্নর গোল্ড মেডেল' অমসুং ঙারিয়াম্বম নিঙোল রুপবতি দেবী কেশ এৱার্দ' পীদুনা ইকাইখুম্নখি।
খুমন্থেম অনিমা
কনভোকেশন থৌরম অদুদা গেষ্ট অব অনার ওইনা মণিপুর মুখ্যমন্ত্রী যুম্নাম খেমচান্দসু শরুক য়াখি। ইউনিভার্সিটি গী ভাইস চ্যান্সেলর এন লোকেন্দ্রনা ময়াই তাংবল লৌদুনা পাঙথোকখিবা থৌরম অদুদা পুন্না মহৈরোই ডিগ্রী গ্রেজুয়েট ১০৬১ না রেজিষ্টার তৌখি। ভাইস চ্যান্সেলরনা পাথোকখিবা রিপোর্ট মতুং ইন্না ইউনিভার্সিটি অসিগী তোঙান তোঙানবা স্কুল ৯ গী ডিপার্টমেন্ট ৪৭ লৈ। পি.এইচ.ডি স্কোলার ১৫৯২ য়াওনা অপুনবা মহৈরোই ৬৩৭৬ লৈরি। মসিতা নত্তনা ইউনিভার্সিটি অসিদা এফিলেট তৌবা কলেজ ১৩২ গী অপুনবা মহৈরোই ৬৯৭০২ সু লৈরি হায়রি।
সোর্স : মরূপ
0 কমেন্ট:
কমেন্ট তৌবিয়ু