বাংলাদেশতা মণিপুরী লোনগী নুমিৎ ২০২৫ পাংথোকখ্রে
সিলেট, আগষ্ট ২৩ : মণিপুরী লোনগী নুমিৎ ২০২৫ পালন তৌবগী থৌরম বাংলাদেশতা 'মণিপুরী ভাষা গবেষণা ও উন্নয়ন সংস্থা'না শীন্দুনা মৌলভীবাজার জেলাগী জুড়ী উপজেলাগী ছোটধামাই খুঙ্গংদা ছোটধামাই হাই স্কুলদা ঙরাং ২২ আগস্ট ইরাই নুমিৎতা য়াম্না হরাও তয়াম্বগা লোয়ননা পাঙথোকখ্রে হায়রি।
'মণিপুরী ভাষা গবেষণা ও উন্নয়ন সংস্থা'-লূপ অসিগী প্রেসিডেন্ট এ কে শেরামনা থৌরম মপু ওইখিবা থৌরমদুদা মণিপুরী কালচারাল কমপ্লেক্সকী প্রেসিডেন্ট এল. জয়ন্ত কুমার সিংহ, পোত্থারবা হাই স্কুলগী হেডমাস্টার চবুংবম কুঞ্জেশ্বর সিংহ অমসুং পোত্থারবা হাই স্কুলগী হেডমাস্টার কবি অহৈবম রনজিতনা গেস্ট ওফ ওনার ওইনা শরূক য়াখি। কেএইচ সমেন্দ্র সিংহনা কনডাক্ট তৌখিবা থৌরমদুদা অহানবদা হৌদোকপগী ৱারোল পীখি সংস্থাগী জেনারেল সেক্রেটারি এল. ইবুংহাল সিংহ শ্যামল অমসুং অতৈসু ৱা ঙাঙবিখি অশোক মীতৈ, অয়েকপম অঞ্জু, চন্দ্রহাস সিংহ, বাংলাদেশ মণিপুরী সাহিত্য সংসদ, সেন্ট্রাল কমিটিগী ভাইস প্রেসিডেন্ট এল. প্রশান্ত কুমার সিংহ অমসুং ছোটধামাই হাই স্কুলগী হেডমাস্টার জাকারিয়া মাহমুদ।
নৈনমীফম মতুংদা বামসাস, ছোটধামাই ব্রাঞ্চকী জেনারেল সেক্রেটারি অহৈবম আশানা কনডাক্ট তৌদুনা ছোটধামাই অমসুং পুঠাদহরগী মৈতৈ ময়েক তম্লিবা মহৈরোয় ২৩বু লাইরিক লাইশু তন্বগী পোৎলমশিং পীদুনা থৌগৎপিখি।
মথংদা অয়েকপম অঞ্জুনা কনডাক্ট তৌদুনা ছোটধামাই খুঙ্গংগী চিলড্রেন আর্টিষ্ট কয়ানা শরুক য়াদুনা ঈশৈ-জগোইগী থৌরমনা নোংমা চুপ্না পাংথোকখিবা থৌরমগী অরোইবা থৌরম ওইনা লান্থোকখি হায়রি।
0 কমেন্ট:
কমেন্ট তৌবিয়ু