জালাবাসা, নোর্থ ত্রিপুরাদা রাজকুমার কমলজিৎকী বার্থ সেন্তিনরি সেলেব্রেসন পাঙথোকখ্রে
ইম্ফাল, জুলাই ২৮ : তখেল লমদম (ত্রিপুরা) দা মৈতৈশিংবু অৱাংবা থাক্তা পুখত্তুনা মৈতৈশিংগী পুৱাগী শেমগৎপীরকপা ত্রিপুরাদা অহানবা মৈতৈ এম এল এ ওইখিবা লৈখিদ্রবা রাজকুমার কমলজিৎ (১৯২৪-২০২৪) গী চহী অমা চুপ্না চত্থরিবা বার্থ সেন্তিনরি সেলেব্রেসনগী শরুক অমা ওইনা মহাক্কী নীঙশিং থৌরম অমা মণিপুরী সাহিত্য পরিষদ ত্রিপুরাগী নোর্থ ত্রিপুরা ব্রাঞ্চনা শীন্দুনা নোর্থ ত্রিপুরা দিস্ত্রিক্তকী জালবসাদা পাঙথোকখ্রে।
হৌখিবা চহীগী আগস্ত ৮দগী হৌদুনা ত্রিপুরা, বাংলাদেশ অমদি মণিপুর য়াওনা তোঙান তোঙানবা মফমদা চহী অমা চুপ্না চত্থরিবা বার্থ সেন্তিনেরি সেলেব্রেসনগী শরুক অমা ওইনা পাঙথোকখিবা ঙসিগী থৌরম অদুদা মণিপুরী লিতরেরি এন্দ কলচরেল ফোরাম ত্রিপুরাগী সেক্রেতরি খোইস্নাম মঙ্গোলনা চীফ গেস্ত, মণিপুর সাহিত্য পরিষদ ত্রিপুরাগী নোর্থ ত্রিপুরা ব্রাঞ্চকী প্রেসিদেন্ত অহৈবম বুধাচন্দ্র সিংহনা প্রেসিদেন্ত, লৈখিদ্রবা আরকে কমলজিৎনা হৌদোক্লম্বা ত্রিপুরাদা ফোঙবা অমত্তা ঙাইরবা মণিপুরী চয়োল পাউচে মরুপকী এদিতর অমদি আরকে কমলজিৎকী মচানুপা আর কে তরুনজিৎনা স্পিসিএল গেস্ত, মণিপুরী সাহিত্য পরিষদ ত্রিপুরাগী এসিস্তেন্ত সেক্রেতরি কোন্সম অতুল সিঙহ, মণিপুরী সাহিত্য পরিষদ ত্রিপুরাগী নোর্থ ত্রিপুরা ব্রাঞ্চকী এদভাইজর এ চুরামণি সিংহ, এস ই দব্লিউ এস, জালাবাসাগী প্রেসিদেন্ত পি দেভেন্দ্র সিংহ, জালবাসা থৌবুরোই লূপকী প্রেসিদেন্ত এন জি দিলিপ সিংহ, দাঃ বি আর অম্বেদকার নর্সরি স্কুল, জালবাসাগী এক্স প্রেসিডেন্দ এম হরিগোপাল সিংহ, জালবাসা গ্রাম পঞ্চায়তকী মেম্বর এ নিস্থা সিংহনা গেস্ত ওব ওনরশিং ওইখি হায়না মণিপুরী সাহিত্য পরিষদ ত্রিপুরাগী নোর্থ ত্রিপুরা ব্রাঞ্চকী সেক্রেতরি অহৈবম রাবিন্দ্র কুমারনা ফোঙদোরক্লি।
লৈখিদ্রবা রাজকুমার কমলজিৎকী চহী অমা চুপ্না চত্থরিবা বার্থ সেন্তিনেররি সেলেব্রেসন অসি লোইশিনবগী থৌরম মণিপুরী সাহিত্য পরিষদ ত্রিপুরা অমদি মরূপ পাউ চেনা শীন্দুনা লাক্লিবা আগস্ত ৮দা আগরতলা প্রেস ক্লবতা পাঙথোক্কনি হায়না মরূপকী এদিতর অমদি আর কে কমলজিৎকী মচানুপা আর কে তরুনজিৎনা ফোঙদোরক্লি।
সোর্স: পোক্নফম
0 কমেন্ট:
কমেন্ট তৌবিয়ু