আপডেট:
image

চোংথাম নরেন্দ্রদা অশাংবম মিনকেতন কলম্নিস্ত এৱার্দ পীখ্রে

ইম্ফাল, মে ২ : কবি অশাংবম মিনকেতনগী চহী ১১৮ শুবা মপোক নুমিৎ থৌরমগা লোয়ননা অশাংবম মিনেকেতন কলম্নিস্ত এৱার্দ ২০২৪ খূৎশিন্নবগী থৌরম অমা নহারোল সাহিত্য প্রেমি সমিতি ইম্ফালনা শীন্দুনা ঙসি মণিপুর প্রেস ক্লাবতা পাঙথোকখ্রে। অশাংবম য়শোবন্ত অমদি মচীন মনাওশিংনা কৎপা অশাংবা মিনকেতন কলম্নিস্ত এৱার্দ ০২৪ পোক্নফম পাউ-চেগী কলম্নিস্ত দাঃ চোংথাম নরেন্দ্রদা খূৎশিন্নখ্রে। এৱার্দ অসিদা শেল ওইনা লুপা লীশীং ১৫, সাইতেসন অমদি লেংয়ান অমা য়াওখি।

থৌরম অদুগী শরুক অমা ওইনা কবি অশাংবম মিনকেতন সিংহনগী লাইরিক ঙঙোই পরেং অমদি গীতাঞ্জলিসু ফোঙখি। ঙসিগী থৌরম অদুদা চীফ গেস্ত ওইনা শরুক য়াখিবা কোর্স রিপরতরি থিয়েতরগী চেয়ারমেন রতন থিয়ামনা হায়, অশাংবম মিনকেতন অসি মহাক্কী পুন্সিবু ইন্সপায়র তৌবা মণিপুরগী অইবা অমনি। মহাক অসি লমদম অসিগী অতাঙবা কবি অমনি।

মহাক্না হায়, মণিপুরদা সাহিত্য তৌরিবা কবিশিং অসি মণিপুর গবর্নমেন্তনা ইন্তলেকচুয়েল ওইনা চিংলিবরা চিংদবরা হায়বা চপ চাবা অমা খঙবা ঙমদে। লমদম অসি লান শোক্নবদা অথোইবখক্কী লম ওইরিব্রা হায়বগী অচৌবা ৱাহং অমা ওইরক্লি। লান তৌনবা ঙাক্তনা চাওখৎপা লৈবাক ওইরোই। মণিপুর সেগমেন্ত শাগৎপদা অচৌবা থৌদাং লৌরিবা কবিশিংগী নীংশিং খুভম অমা থম্নিংই। মসিনা হৌরক্লিবা মীরোরদা মখোয়শিংসি কনানো অমদি মখোয়না খুন্নাইগীদমক করি তৌরমই খঙহনবা ঙমগনি।

নহারোল সাহিত্য প্রেমি সমিতিগী প্রেসিদেন্ত নাওরোইবম ইন্দ্রমনিনা প্রিসাইদ তৌখিবা থৌরম অদুদা মণিপুর সাহিত্য পরিষদ ইম্ফালগী প্রেসিদেন্ত লোংজম জোয়চন্দ্রনা কবি মিনকেতন সিংহগী শৈরেং লাইরিক অশৈবগী নিতাইপোদকী মরমদা ৱা ঙাঙখি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: