এম.এস.পিগী মীফমদা মণিপুরদা চৎনরিবা মীতৈ ময়েক আসামদসু চৎনহনবীয়ু
শিলচর , এপ্রিল ১৩ : মণিপুর লৈঙাক্না শক খঙলবা মৈতৈ ময়েক আসামদসু মহৈ-মশিং তম্বদা চৎনহনবীয়ু লোয়ননা মণিপুরী মিডিয়ামদা তম্বা অফবা মহৈরোইশিংবু স্কোলারশীপ পীবিবা, মণিপুরী অইবা অইবীশিংনা লাইরিক ফোঙবদা শেনগী মতেং পাংবিবা অসি নচিংবা ৱারেপ লৌদুনা মখল মথেলগী থৌরম পরেং কয়াগা য়াওনা মণিপুরী সাহিত্য পরিষদ, আসামগী ৬১ শুবা চহীগী মীফমলেন হন্দক নিনি চুপ্না কার্বি-আংলং বোকাজানগী স্পোর্টস কমপ্লেক্সতা পাঙথোকখ্রে।
প্রেসিডেন্ট এনজি জয়কুমারনা ফীরাল চিংখত্তুনা থৌরম হৌদোকপীখি
পরিষদকী প্রেসিডেন্ট এনজি জয়কুমারনা ফীরাল চিংখত্তুনা থৌরম হৌদোকপীখি। পরিষদ অসিবু চাওখৎনবা অমদি য়োকখৎনবা হোৎনবিরম্বা লাই-গুরু লৈখিদ্রবশিংগী মফমদা হৈকৎ-লৈকৎ তম্বগী মতুং লাইরিক মেলা, ডেলিগেট সেসনগী তোঙানবা থৌরম পাঙথোকখি। নিনি চনবা নুমিত্তা ড. কুঞ্জলাল য়েন্দ্রেম্বমনা ৱাতেমবিদুনা ‘আসামদা মণিপুরীশিংগী পুৱারী: খুন্দারোলদা মীৎয়েং অমা’ হায়বা হীরমদা এম দেব (সুব্রাম), ৱাই ইন্দ্রবাবু, টিএইচ ঙৌবনা তোঙান তোঙাননা নৈনদুনা ৱাফোঙখি।
অফোঙবা মীফমদা আসাম বিধানসভাগী ডেপুটি স্পীকার ড. নোমুল মোমিন, মণিপুর য়ুনিভার্সিটিগী প্রো. এন অরুনা দেবী, আসাম য়ুনিভার্সিটিগী প্রো. নরেন সিংহ, ড. কে দয়াময় অমসুং অসম সাহিত্য সভা, দিমাপুর মীতৈ কাউন্সিল, ৱার্ল্ড মীতৈ কাউন্সিল, ৱার্ল্ড মীতৈ কাউন্সিল নচিংবা মীহুৎশিংসু শরুক য়াখি। মীফম অসিগা মরী লৈননা পরিষদনা তোঙান তোঙানবা আসামগী শক্নাইরবা মীওই ২১ দা মনা মথুম পীবগা লোয়ননা মীওই অহুম সার্টিফিকেট অব এপ্রিসিয়েশন পীদুনা ইকাইখুম্নখি হায়না পরিষদনা থারকপা চেরোল অমদা হায়রি।
সোর্স: মরূপ
0 কমেন্ট:
কমেন্ট তৌবিয়ু