• 462
• ৩রা ফেব্ররুয়ারি ২০২২ ইং
• Share on:

ফিল্ম স্ক্রিনিং পাঙথোকখ্রে, এৱার্দ ফংগদবা ফিল্মশিং ফেব্রুয়ারি ১৬তা লাউথোক্লগনি

ইম্ফাল, ফেব্রুয়ারি ০১: ইপাক ফিল্ম প্রোডাক্সন, মণিপুরনা ফিল্ম ফোরাম মণিপুরগী মীৎয়েং দিপার্টমেন্ট অব সোসেল ওয়েলফেয়ার গভর্ণমেন্ট অব মণিপুরনা স্পোন্সর তৌদুনা পাঙথোক্লিবা অনীশুবা ইন্টারনেসনেল মণিপুরী শোর্ট ফিক্সন ফিল্ম ফেষ্টিবেল ২০২২ গী স্ক্রিনিং ঙসি মণিপুর প্রেস ক্লাব, ইম্ফালগী ওডিটোরিয়ামদা পাঙথোকখ্রে হায়রি।
ফেষ্টিভেল অসিগী কনভিনার রাকেশ নাওরেম্না থাদোরকপা চেরোল অমগী মতুংইন্না ‘লেট’স মেক মণিপুর ড্রাগ ফ্রী’ হায়বা থিমদা পাঙথোক্লিবা ফিল্ম ফেষ্টিভেল অসিদা মণিপুরদগী পুন্না ফিল্ম ২৪, আসামদগী ফিল্ম ২, ত্রিপুরা অমদি বাংলাদেশতগী ফিল্ম ১/১ পুন্না ফিল্ম ২৮ থাজিল্লক্তুনা শরুক য়ারি।
ঙসি পাঙথোকখিবা স্ক্রিনিংগী থৌরম অদুদা ফেষ্টিভেল অসিগী কনভিনার রাকেশ নাওরেম, ফিল্ম ফোরাম মণিপুরগী চেয়ারমেন এস মাঙ্গোলজাও সিংহ, দিপার্টমেন্ট অব সোসেল ওয়েলফেয়ার, গভর্ণমেন্ট অব মণিপুরগী ডিরেক্টর ঙাঙোম উত্তমনা শরুক য়াখি। শরুক য়াখিবা জুরিশিংনা ফিল্ম ফেষ্টিভেল অসিদা থম্লিবা তোঙান তোঙানবা এৱার্দ ১১ ফংলগদবা ফিল্মশিং অমদি স্পেসল জুরি মেন্সন এৱার্দ ফংলগদবশিং য়াওনা পুন্না এৱার্দ ১২গী ফিল্মশিং খনগৎতুনা থম্লমখি। হায়রিবা এৱার্দশিং অমদি ইপাক মীডিয়া ইউটিউব চেন্নেলদা লাইক খ্বাইদগী য়াম্বা ফিল্মদা পীগদবা ইপাক বেষ্ট পোপুলার পিপলস চোইস এৱার্দ-২০২২ গা পূন্না লাক্লিবা ফেব্রুয়ারি ১৬তা ফেষ্টিভেল কমিটিনা পাঙথোক্কদবা ফেষ্টিভেল অসিগী প্রেস কনফারেন্স অমদা মীয়ামদা লাউথোক্কনি।
ইপাক বেষ্ট পোপুলার চোইস এৱার্দ-২০২২ খন্নবগীদমক্তা লাক্লিবা ফেব্রুয়ারি ৫দগী ফেব্রুয়ারি ১৫ ফাওবা ফেষ্টিভেল অসিগীদমক থাজিল্লক্লিবা ফিল্ম ২৮ অসি ইপাক মিডিয়া ইউটিউব চেন্নেলদা থাগৎতুনা পাব্লিক পুল তৌজগনি। পাব্লিক পুল অসিদা লাইক খ্বাইদগী য়াম্বা, মীয়াম্না পাম্নবা ফিল্ম অদুদা লেমজনিংঙাই ওইরবা ফেষ্টিভেল অসিগী ইপাক বেষ্ট পোপুলার পিপলস চোইস এৱার্দ অসি পীজগনি হায়রি।
পনবা য়াবদি, ফিল্ম ফেষ্টিভেল অসিগী বেষ্ট ফিল্মদা লুপা ৫৫,৫৫৫/- সেকেন্ড বেষ্ট ফিল্মদা লুপা ২২,২২২/- অমদি থার্ড বেষ্ট ফিল্মদা লুপা ১১,১১১/- গা লোয়ননা মেমেন্তো অমদি সার্টিফিকেট লোয়নরি। বেষ্ট ডিরেক্টর, বেষ্ট ষ্টোরি, বেষ্ট দেব্যুট, বেষ্ট ইদিটর, বেষ্ট সিনেমাটোগ্রাফি, স্পেসল জুরি মেন্সন এৱার্দ, বেষ্ট এক্টর মেল এন্ড ফিমেল অমদি বেষ্ট চাইল্ড এক্টরদা লুপা ৫,৫৫৫/- গা লোয়ননা সার্টিফিকেট অমদি মেমেন্তো পীদুনা ইকাইখুম্নগনি। লোয়ননা ইপাক বেষ্ট পোপুলার পিপলস চোইস এৱার্দ-২০২২ গীনা লুপা ৭,০০০/- কা লোয়ননা সার্টিফিকেট অমদি মেমেন্তো পীদুনা ইকায়খুম্নগনি। ফেষ্টিভেল অসিগী এৱার্দ পেজেন্টেশন সেরেমোনিনা থা অসিগী ২১ ইন্টারনেসনেল মাদার লেঙ্গুয়েজ ডেগী থৌরমদা খুৎশিন্নগনি হায়নসু চেরোল অসিনা মখা তারি।
সোর্স: হুইয়েন লানপাউ