• 63
• ২৬শে অগাস্ট ২০২৪ ইং
• Share on:

‘মণিপুরীদা পুন্সি ৱারীগী সাহিত্য’ কৌবা লাইরিক মীতৈ ময়েক্তা ফোঙখ্রে

ইম্ফাল, আগস্ত ২৫ দাঃ থোকচোম ইবোহনবী সিংহনা ইবা ‘মণিপুরীদা পুন্সি ৱারীগী সাহিত্য’ কৌবা লাইরিক অমা মীতৈ ময়েক্তা ওন্থোক্তুনা ফোঙখ্রে। ঙসি উরিপোক অচোম লৈকায়দা লৈবা লোইতোংবম ইবোয়াইমগী য়ূমদা পাঙথোকপা লাইরিক ফোঙবগী থৌরম অদুদা প্রোঃ নহাকপম অরুনানা চীফ গেস্ত, দাঃ ৱাই কুঞ্জবিহারীনা প্রেসিদেন্ত অমসুং দাঃ আর কে তোমালসনা দেবী, হেদ ওব মণিপুরী দিপার্তমেন্তনা গেস্ত ওব ওনর ওইখি।

লাইরিক অসিবু মীতৈ ময়েক্তা ইথোক্তুনা ফোঙলিবা প্রোঃ নহাকপম মেধাবতিনা হায়খি, “মণিপুরীদা পুন্সি ৱারীগী সাহিত্য” হায়বসি মীতৈ ময়েক্তা ইথোক্তুনা ফোঙবগী মরুওইবা পান্দমদি বাংলা ময়েক খঙদ্রবা মণিপুরগী মহৈরোয়শিংনা পানবগীদমক্তনি। লাইরিক অসি মণিপুর য়ুনিভার্সিতিগী মণিপুরী এম এ, মণিপুর য়ুনিভার্সিতি ওব কলচরগী এম এ (মণিপুরী) অমসুং ধনমঞ্জুরী য়ুনিভার্সিতিগী এম এ (মণিপুরী) দসু রিফরেন্স বুক ওইরিবনি। মরম অদুনা লাইরিক অসি মহৈরোয়শিংদা শোয়দনা কান্নগনি হায়বগী থাজবা লৈ।

চীফ গেস্ত ওইখিবী প্রোঃ এন অরুনানা, এন মেধাবতিনা তৌরিবসি য়াম্না কান্নবা থবক্নি। মসি মণিপুরী সাহিত্যগী ক্রিতিকেল ৱার্কশিংগী মনুংদা অনৌবা অফবা লাইরিক অমনি। মহৈরোয়শিংনা মণিপুরী লাইরিক অসি লৈদুনা পাবগী হৈনবী লৈনবা মহাক্না আপিল তৌখি।

সোর্স: পোক্নফম