হৈস্নাম বসন্তকুমার এৱার্ড ক্ষেত্রিময়ুম সুবদনীদা পীরগনি
ইম্ফাল, এপ্রিল ১৬ : সাহিত্য থৌপাং লূপ (সাথৌলূপ) না চহী খুদীংগী ৱার্ল্ড বুক দেগা মরী লৈননা পীবা হৈস্নাম বসন্তকুমার এৱার্দ চহী অসিগী ওইনা ক্ষেত্রিময়ুম সুবদনীদা পীরগনি। এৱার্দ অসি থা অসিগী ২৩ দা মণিপুর লেজিসলেটিব এসেমব্লি আর্কাইবস এন্দ ম্যুজিয়ামগী ওদিতোরিয়ামদা পাঙথোকপা থৌরমদা লান্থোক্কনি হায়রি।
এৱার্দ অসিদা শেল ওইনা লুপা ১০,০০০, সাইতেসন অমা অমসুং লেংয়ান অমা য়াওরি। সুবদনীনা ঙসি ফাওবদা লোল সাহিত্য অমসুং লাইরিক্কা মরী লৈনবদা পীরিবা খুদোল অসিবু শকখঙবা ওইনা এৱার্দ অসি পীগদবনি। সাথৌলূপ অমসুং অসৈলূপ অনী পুন্না শীন্দুনা পাঙথোক্কদবা ৱার্ল্ড বুক দে অমসুং ১৩৩ শুবা খোংজোম লাল নীংশিং থৌরম অসিদা মণিপুরী খোরিরোলদা খোংজোম লাল হায়বা লাইরিক অসিগী মরমদা দাঃ লাইরেনলাকপম ইবেমহল অমসুং নন্দো নিঙোম্বনা ৱা ঙাঙগনি।
থৌরম অসিদা মণিপুরী সাহিত্য পরিষদ ইম্ফালগী প্রেসিদেন্ত লোংজম জয়চন্দ্র সিংহনা চীফ গেস্ত অমসুং অসৈলূপ মণিপুরগী প্রেসিদন্তে দিলিপ ময়েংবমনা প্রিসাইদ তৌগনি। লৈখিদ্রবা অথৌবাশিংদা ইকায়খুম্নবা উৎপা ওইনা লৈ-শু কৎপগা লোয়ননা মখোয়দা কৎথোকপা শৈরেং শৈদিন্নবা অমসু পাঙথোক্কনি। শৈদিন্নবা অসিদা শক্নাইরবা অইবা নহাকপম বীরেননা থৌরম মপু ওইগনি হায়রি।
সোর্স: পোক্নফম
0 কমেন্ট:
কমেন্ট তৌবিয়ু