সাহিত্য পরিষদনা মহৈরোই ওক্কদৌরি
আগরতলা, সেপ্টেম্বর ০৭ : চহী খুদিং তৌনা মণিপুরী সাহিত্য পরিষদ, ত্রিপুরানা হন্দক চহীসু ত্রিপুরা বোর্ড অমসুং অতৈ অতৈ বোর্ডকী মাধ্যমিক অমসুং হায়ার সেকেন্ডারী পরীক্ষাদা ফার্ষ্ট ডিভিশন পাশ তৌবা থোইদোক হেন্দোকপা ত্রিপুরাগী মণিপুরী মহৈরোইশিংদা মখল কয়াগী মনা মথুম পীদুনা ওকপগী থৌরম পাঙথোক্কদৌরি।
লাক্লিবা সেপ্টেম্বর তাং ৩০, আগরতলা ষ্টুডেন্ট হেলথ হোমদা ত্রিপুরাগী মণিপুরী মহৈরোই ওকপগা লোয়ননা হিজম ইরাবতকী মথক্তা নৈন থৌরমসু পাঙথোক্কদৌরি হায়রি। নুমিৎ অদুগী অয়ুক্তা আগরতলা ম্যুনিসিপাল কর্পোরেশন অমসুং পরিষদ অনীনা ধলেশ্বর কল্যানীগী আসাম-আগরতলা রো মতাইদা খিনবা লময়ানবা হিজম ইরাবতকী মীতমদা হৈকৎ-লৈকৎ তমদুনা হন্দক্কী ১২৮ শুবা নীংশিং কুমওন শ্রদ্ধাঞ্জলি কৎপগা লোয়ননা নুংথিলগী থৌরমদা ম্যুনিসিপাল কর্পোরেশনগী কাউন্সিলর সুখময় সাহানা চীফ গেষ্ট ওইগনি হায়রি।
সোর্স: মরূপ
0 কমেন্ট:
কমেন্ট তৌবিয়ু