সলাম তোম্বদা ত্রান্সলেসন প্রাইজ পীরগনি
ইম্ফাল, দিসেম্বর ৩১ : সাহিত্য একাদেমি নিউ দিল্লীনা পীবা ত্রান্সলেসন প্রাইজ-২০২২ মণিপুরী লোলগী ওইনা সলাম তোম্বা সিংহগী ‘অঙৌবা কৈ’ দা পীরগনি। অর্বিন্দ অদিগাগী ইংলিশতা ইবা নোবেল ‘দি হ্বাইত তাইগার’ বু সলাম তোম্বনা মণিপুরীদা ‘অঙৌবা কৈ’ হায়না হন্দোকপনি।
একাদেমি অসিগী সেক্রেটারি কে শ্রীনিবাস রাওনা ইরাই নুমিত্তা থোকপা চেরোল অমগী মতুং ইন্না ত্রান্সলেসন প্রাইজ অসিগীদমক লোল অহুম বেঙ্গলি, মণিপুরী অমসুং সন্তালিগী লাউথোরকপদা মণিপুরী লোলগী ওইনা সলাম তোম্বগী ‘অঙৌবা কৈ’ অসি য়াওরকপনি।
একাদেমি ত্রান্সলেসন প্রাইজ ফংগদবশিংগী মনুঙদা বেঙ্গলিগী ওইনা সৌভিক দে সরকারগী হন্দোকপা লাইরিক ‘অমর বাবা বালিয়া’ অমসুং সন্তালিগী ওইনা লক্সমন কিস্কুগী ‘মেরোম গুপি দিন’ অসি য়াওরি।
সোর্স: পোক্নফম
0 কমেন্ট:
কমেন্ট তৌবিয়ু