আপডেট:
image

লাইনিং-লাইশোলগী মনুংদদি পোলিটিক্স য়াওরোইদবনি: নিশিকান্ত

ইম্ফাল, অক্টোবর ০৮: লাইনিং-লাইশোলগী মনুংদদি পোলিটিক্স য়াওরোইদবনি অদুবু পোলিটিক্সতদি লাইনিং-লাইশোল য়াওগদবনি হায়না কৈশামথোং এ সীগী এম এল এ নিশিকান্তনা ফোঙদোকখ্রে। গুলাপি নট সঙ্কীর্ত্তন একাদেমীনা শীন্দুনা নুমীৎ নীনিগী ওইবা নেসনেল সেমিনার অমা ২৯ লকশুবা ওইনা পাঙথোকপা গুরু কীর্ত্তন সেবা ২০২২ হায়না মিংথোন্দুনা ক্বাকৈথেল ঙানপ্পী থোং মপালদা লৈবা একাদেমী অসিদা পাঙথোকখি।

পাঙথোকখিবা থৌরম অদুদা মহাক্না তারদুনা হায়, লমদম অসিগী নাৎকী কালচার অসি য়াম্না মরুওই। ঐখোয়গী কালচার অসিনা ঐখোয়গী মশক মওং অসি মপানগী লমশিংদা শক তাকপা ঙম্লিবনি। করিগুম্বা কালচার অসি লৈরমদ্রবদি আইদেন্টিটি মাঙলমগনি। ঐখোয়গী কালচার অসি লৈরমদ্রবদি অতোপ্পা ওয়েষ্টার্ন কান্ত্রিগী মীওইশিংগা করিমত্তা খেন্নবা লৈরম্লোই। মীওইবগী পুন্সিদা অফবা কর্ম্ম তৌবা মথৌ তাই হায়নসু ফোঙদোকখি।

থৌরমদুগী মনুং চন্না একাদেমী অসিগী লাইওইখ্রবা অহল-লমন, লাই-গুরুশিংগী মীতমদা নট সঙ্গীর্ত্তনগী ঈশৈ শক্তুনা মখোয়বু ঈকায়খুম্নবা উৎতুনা হৈকৎ-লৈকৎ তমখি। জে এন দান্স মণিপুরগী দিরেক্টর বিলাশনা ফোঙদোকখিবদা, ঙসি পাঙথোক্লিবা সেমিনার অসিদা পেপার প্রেজেন্টেসনশিং খোমজিল্লগা লাইরিক ওইনা ফোঙনবা হোৎনবীয়ু।

লৈখিদ্রবা ওজাশিংদা হৈ-লৈ কৎপগী অসিগুম্বা তাঙলবা তাঞ্জা অমা ফংবসি থম্মোয়দা চাউথোকচবা ফাওই হায়নসু ফোঙদোকখি। থৌরমদুগা মরী লৈননা গুরু খ্বাইরাকপম লৈবাকমচা এৱার্দকী ওইনা পদ্মশ্রী এৱার্দী ক্ষেত্রিময়ুম ওংবী থৌরানিশাবী অমদি ওজা শ্রী খ্বাইরাকপম ৱাংখৈ এৱার্দকী ওইনা পদ্মশ্রী এৱার্দী সৌগাইবম থানিলদা মনাশিং অসি খুৎশিন্নখি। লোয়ননা শক্নাইরবা কয়াসু শরুক য়াখি।

সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু