রোবার্ট নাওরেমদা এৱার্দ পীরক্লে
ইম্ফাল, দিসেম্বর ১৪ : ইন্দিয়ান ফেশন এৱার্দকী আউটষ্টেন্ডিং কন্ট্রিবিউশন ওন নোর্থ ইষ্ট ফেসনগী মনা অসি লমদম অসিগী শক্নাইরবা দিজাইনার, রোবার্ট নাওরেমদা পীরক্লে। ইন্দিয়ান ফেসন ইন্দাস্ট্রিবু চাওখৎহনবা অচৌবা থৌদাং লৌরিবা লম অসিদা হৈথোই শিংথোইবশিংবু পুক্নিং থৌগৎপা ওইনা পীবা ইন্দিয়া ফেশন এৱার্দ অসি থা অসিগী ১৩দা দিল্লীগী অন্দাজ হোটেলদা পাঙথোকপা থৌরমদা রোবার্ট নাওরেমগী মফমদা খুৎশিন্নখি।
ইন্দিয়ান ফেশন ইন্দাস্ট্রিদা থোইদোক্না মমিং লৈরবা সুপার মোডেল কেরোল গ্রেসিয়াস, টেলেন্ট ফেক্তরিগী ফাউন্দার, সঞ্জয় নিগম, ইন্দিয়ান ফেশন দিজাইনার রঘভেন্দ্র রাথোর, ইন্দিয়ান মোদেল, দিয়া মির্জা, ইন্দিয়ান ষ্টাইলিষ্ট, অনাইতানচিংবা বোর্দ ওফ ডাইরেক্টরশিংনা এৱার্দশিং অসি খনখিবনি।
রোবার্ট নাওরেমনা ফোঙদোরকপদা নোর্থ ইষ্ট মরু ওইনা মণিপুরগী কালচার, ফেশন অমদি হৈথোই শিংথোইবশিং অসিবু ইন্দিয়ান ইন্দাষ্ট্রিনা শকখঙবীদুনা মনা অসিবু পীরকপা অসি নুংঙাইবগা লোয়ননা পুক্নিং নুংশিবা ফাওই। মণিপুর অমদি নোর্থ ইষ্টপু ফেশনগী মেপ্তা য়াওহনবা হায়বা অসি মহাক্না ফেশনগী লম অসিদা চঙলকপা মতমদগী মঙলকপা মঙলাননি।
ফিশাবীশিংবু থবক পীদুনা মখোয়বু অমদি মখোয়না পুথোক্লিবা হেন্দলুমগী পোত্থোকশিং মালেমদা মশক তাক্নবা অসি মহাক্কী মঙলাননি অমদি মসি মঙফাওনহনগনি। মসিদা নত্তনা ফেশনগী লম অসিদা চৎনিংবা নহাশিংবু প্লেটফোর্ম পীদুনা লাক্লি অমদি মখা তানা পীখিগনি হায়না ফোঙদোরকখি।
সোর্স: সঙাই এক্সপ্রেস
0 কমেন্ট:
কমেন্ট তৌবিয়ু