রাইতর্স ফোরমগী ৩৭ শুবা মপোক কুমওন পাঙথোক্কদৌরি
ইম্ফাল, সেপ্তেম্বর ১ মণিপুরী খোরিরোলবু চাওখৎনবগী পান্দমদা লিংখৎখিবা রাইতর্স ফোরম ইম্ফালগী ৩৭শুবা মপোক কুমওন থৌরম লাক্লিবা সেপ্তেম্বর ৩গী নুংথিল পূং ২ তাবা মতমদা মণিপুর দ্রামাতিক য়ুনিয়ন ইম্ফালদা পাঙথোক্কনি হায়রি।
নুমিৎ অসিদা ফোরম অসিবু হৌদোকপিখিবা ফোরমগী খ্বাইদগী অহল ওইরবা মঙা-অরিবম কুমার শর্ম্মা, প্রোফেসর নোংমাইথেম তোম্বী সিংহ, প্রোফেসর হুইরেম বিহারী সিংহ, ঙাঙোম নবচন্দ্র সিংহ, প্রোফেসর আই এস কাংজমবু তরাম্না ওক্কনি। মণিপুর গবর্নমেন্ত, সাহিত্য একাদেমি, নিউ দিল্লী, মণিপুর স্তেত কলা একাদেমি অমসুং একাদেমি অনীনা শকখঙলবা খোরিরোলগী লূপশিংনা পীবা মনা অমসুং উপধি ফংলবা ফোরমগী মেম্বর ২৫ বুসু তরাম্না ওকপগী থৌরম পাঙথোক্কনি হায়রি।
কৈশাম প্রিয়োকুমার অমসুং ইরুংবম বসন্ত, প্রেসিদেন্ত অমসুং ভাইস প্রেসিদেন্ত রাইতর্স ফোরম ইম্ফালনা থৌরম মপু ওইদুনা পাঙথোক্কদৌরিবা থৌরম অসিদা ফোরম্না লেপ্তনা চঙশিল্লক্লিবা মণিপুরী খোরিরোলবু হেন্না হেন্না চাওখৎনবা চঙশিল্লিবা খোঙজংগী শরুক অমা ওইনা ফোরমগী লাইরিক অহুম-নাওরোইবম ইন্দ্রমণিনা ইবা নীংশিং খুদমশিং, তয়েঞ্জম বিজয়কুমারনা এদিত তৌবা দি স্তোরি ওব এ ৱান্স ফর্তাইল লেন্দ (মণিপুরী শৈরৈংশিং ইংলিশতা হন্দোকপা) অমসুং লমাবম বীরমণিগী ক্বাক্কী মচা ক্বাক উরোক্কী মচা উরোক (ৱারীমচা, রিপ্রিন্ত) ফোঙগনি হায়রি।
সোর্স: পোক্নফম
0 কমেন্ট:
কমেন্ট তৌবিয়ু