রাইটার্স ফোরম, ইম্ফালনা ইরুংবম বসন্তগী লাইরিক 'মায়থিরবা থাবল' অমসুং সাহিত্যগী পাউ ফোঙখ্রে
ইম্ফাল, ওক্টোবর ২৭ : রাইটার্স ফোরম, ইম্ফালনা মণিপুরী খোরিরোলবু চাওখৎনবা অমসুং খঙহন্নবগী পান্দমদা চত্থরক্লিবা খোঙচৎকী শরুক অমা ওইনা শক্নাইরবা ৱারীমচা ইবা ইরুংবম বসন্তনা ইবা লাইরিক মায়থিরবা থাবল (ৱারীমচা) অমসুং সাহিত্যগী পাউ (১২৫-১২৬ শুবা মশীং), দি আই পি আরগী ওদিটোরিয়ামদা ফোঙদোকখ্রে হায়না রাইটর্স ফোরাম, ইম্ফালগী সেক্রেটরি এম নোটিলালগী চেরোল অমনা ফোঙদোরক্লি।
থৌরম অসিদা সাহিত্য একাদেমি এৱার্দিশিং ওইবতা নত্তনা ৱারীমচা ইবদা মমিং লৈরবা কৈশাম প্রিয়োকুমার অমসুং লমাবম বীরমনি, প্রেসিদেন্ট অমসুং হান্নগী প্রেসিদেন্ট, রাইটর্স ফোরাম, ইম্ফালনা থৌরম মপূ ওইখি। ডা. ৱাহেংবম কুমারী চনু, এসোসিএট প্রোফেসর, মণিপুর য়ুনিভার্সিটিনা এদটরগী ৱারোল অমসুং ‘খোরিরোলদা আই বসন্তগী পূন্সি খোঙচৎ’ হায়বসিদা ৱা ঙাঙখি হায়নসু চেরোলসিদা মখা তারক্লি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু