image

য়ুনাইটেদ নেসন্সকী ওফিস মমাংদা ৱাক‍ৎ মীফম ফমখ্রে

 

ইম্ফাল, সেপ্টেম্বর ২৮ : স্বিজলেন্দগী জিনেভাদা য়ুনাইটেদ নেসন্সকী হিউমেন রাইটস কাউন্সিল মীফমদা শরুক য়ারিবা কোকোমিগী ৱাঙাঙলোইসু ওইরিবা ইপসাগী ভাইস প্রসিদেন্ট খুরাইজম অথৌবনা লুচিংদুনা য়ুরোপকী মফমশিংদা লৈরিবা মীতৈশিং শরুক য়াদুনা ইউএন ওফিসকী মমাংদা মণিপুরদা থোক্লিবা ইরাং অসিগা মরি লৈননা ঙরাং ৱাক‍ৎ মীফম ফমখ্রে।  

মণিপুরদা কুকী নার্কো টেরোরিষ্ট শিংনা য়েলহৌমী মীতৈশিংগী মথক্তা অতম্ননা লান্দাদুনা মীতৈগী মীচং কয়া হাৎলিবা অমদি ময়ুম কয়া মৈ থাদোক্লিবা, থা মঙা ফারক্লবা ইরাং অসিগী মতাংদা য়ুনাইটেদ নেসন্সকী পুক্নিং চিংনবা লাকখিবা খুরাইজম অথৌববু য়ুরোপ্তা লৈরিবা মীতৈ দাইস্পোরানা শৌগত্তুনা ৱাক‍ৎ মীফম অদু য়ুনাইটেদ নেসন্সকী মেনিফেষ্ট গ্রাউন্দদা চত্থখিবনি হায়না ইন্টার্নেস‌নেল পিছ এন্দ সোসিয়েল এদভান্সমেন্ট (ইপসা) গী চেরোল অমদা ফোঙদোরক্লি।

ৱাক‍ৎ মীফম অদুদা য়ুরোপিয়ান মণিপুরী এসোসিয়েসনগী ‌প্রেসিদেন্ট সগোলশেম বিরমনি, এসোসিয়েসন অসিগী মেম্বর ওক্রম বিশ্বজিৎ, লন্দনদা লাই‌রিক তম্লিবা মীতৈ মহৈরোয় য়াইখোম্বা সগোলশেমসু শরুক য়াখি। শরুক য়াখিবশিংনা মণিপুরদা হৌজিক চিন কুকী নার্কো টেরোরিষ্টশিংনা মীতৈদা চখরক্লিবা হিংশাগী থৌদোকশিং অমদি টেরোরিষ্টশিং অসিনা মণিপুরদা অনিশুবা গোল্ডন ত্রাইএঙ্গল অমা শেমগৎলকপগী ৱারোলশিং য়াওবা লিফ্টলেৎ অমসু মীয়ামদা য়েন্থোকখি হায়রি।

‌সোর্স: পান্দম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু