আপডেট:
image

ময়েক ২৭ কী মতাংদা অহোংবা অমত্তা লৈরোই হায়না ওর্দার থোক্লগনি হায়না খঙহল্লক্লে: মীলাল

ইম্ফাল, মার্চ ০১ : হৌজিক চৎনরিবা মীতৈ ময়েক ২৭ অসি হোংদোকপা শেমদোকপগী ৱাফম অমত্তা লৈতে। এম এ য়ৌখ্রবা মহৈরোই কয়া ময়েক ২৭ তমদুনা হৈরগা চৎখ্রবনি। করিগী হৌজিকপু শেমদোক শাদোক্কদৌরিবনো হায়না দাইরেক্তরনা ফোঙদোরক্লে।

লোয়ননা অথুবা মতমদা লৈঙাক্তগিসু ময়েক ২৭ কী মতাংদা অহোংবা অমত্তা লৈরোই হায়বা ওর্দার অমা থোক্লগনি হায়বা ৱাফম লৈরবনা হান্না লান্না দিপার্টমেন্ট অমদি লুপ অনীগী মায়কৈদগী খন্নরম্বা ৱাফমশিং ৱাখল তামীন্নরে হায়না মীলালগী সেক্রেটারি পাব্লিসিটি সোইবম অরুন মীতৈনা থাদোরকপা চেরোল অমনা হায়রি।

মহাক্কী চেরোলসিনা হায়, মীলাল কংলৈপাক অমদি ৱাখল্লোন মান্নাবা অপুনবা (ৱামা) কংলৈপাক্কী থৌপুবশিংগা পুন্না লেঙ্গুয়েজ প্লান্নিং এন্দ ইমপ্লিমেন্টসন দিপার্টমেন্টকী দাইরেক্তর লাইশ্রম নন্দকুমারগী বাবুপারাদা লৈবা মহাক্কী ওফিসতা ফম্মীন্নখি। মদুদা মীলাল অমদি ৱামাগী মীওই ৫ না শরুক য়াখি। শরুক য়াখিবশিং অসিনা হৌজিক চত্থরিবা এসেমব্লি অসিদা চৈচৎ ২৩ নুমিত্তা ইদুকেসন মিনিষ্টার টিঐচ বসন্তকুমারনা হাউসতা থমখিবা মীতৈ ময়েক ২৮ অসিনা পুয়া পাবা য়াদে। অদুনা হান্নগী এক্সপার্ট কম্মিটি অদুগী লিষ্ট পীখৎলক্নবা অমদি অনৌবা এক্সপার্ট কম্মিটি অমা শেম্নবা লেঙ্গুইজ প্লান্নিং এন্দ ইমপ্লিমেন্টসনদা ওর্দার অমা থোকখ্রে হায়খিবা অদুগী মতাংদা মীলাল অমদি ৱামাগী মায়কৈদগী মীতৈ ময়েক ২৬ অসি ২০০৬ তগী ক্লাস ৱান, টু তমখ্রবা হৌজিক এম এ গী থাক য়ৌখ্রবনি। ময়েক ২৮ অসিনা পুয়া পাবা য়াদে হায়না হাউসতা বিল পুথোকখিবা অদু হাউসতগী উইদ্রো তৌগদবনি। মদুগী মতুং ইন্না দিপার্টমেন্ট অমদি লুপ অনিগী মায়কৈদগী পাউ ফাওনদবা লান্না চৎনখিগদৌরে। অদুনা অমুক্তং ফম্মীন্নরগা খন্নসি হায়রকপদগী ঙরাং ফম্মীন্নবনি।

চেরোলসিনা হায়, মতম চানা লৈঙাক অমদি লেঙ্গুয়েজ পাউ ফাওনরক্তুনা ৱারোইশিন পুবিরকখিবা অসিগীদমক লূপ অনীনা থাগৎপা ফোঙদোরক্লি। লোয়ননা লুপ অনীনা লেঙ্গুয়েজ দিপার্টমেন্টতা থাজবা থম্লিবা অসিবুদি মাংহনদনা থমজরি। লোয়ননা মীতৈ ময়েক টি ই টি ২০১৬ মায় পাকখ্রবা কেন্দিদেটশিংগী মীফম অমসু লাক্লিবা মার্চকী চৈচৎ ১৯গী অয়ূক পুং ১১ তাবা মতমদা মীলাল ময়াই লোয়শঙদা পাঙথোক্লগনি হায়রি। মসিদা টি ই টি পাস তৌখ্রবা কেন্দিদেটশিংনা শরুক য়াবিয়ু হায়রি।

সোর্স: কংলৈপাক্কী মৈরা   

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: