মার্ক জুকারবার্গ না ফেসবুক, হোয়াটসএ্যাপ অমসুং ইন্সটাগ্রাম সার্ভিস পুঙ খরা য়াখিদবা নুংঙাইতবা ফোঙদোরক্লি
ওয়াশিংটন, অক্টোবর ০৫ : হৌখিবা লৈবাক পোকপা নুমিত্তা ফেসবুক য়াওনা হোয়াটসএ্যাপ অমদি ইন্সটাগ্রাম সার্ভিস পুঙ ৬লোম য়াখিদবা অদুগীদমক টেক জায়েন্ট অসিগী সিইও মার্ক জুকারবার্গনা নুঙাইতবা ফোঙদোরকখিবগা লোয়ননা মীয়ামদা মতম খরা অৱাবা মায়োক্নহনখিবা অদুগীদমক ঙাকপীনবা হায়জরক্লি।
হিরম অসিগা মরী লৈননা মার্ক জুকারবার্গনা মহাক্কী ফেসবুক পোষ্টতা ফোঙদোকরকখিবগী মতুংইন্না, মীয়াম্না সোসেল মিডিয়া সাইটশিং অসিবু য়াম্না পাম্না শীজিন্নরি। ঐখোয়গী সার্ভিসশিং অসিদা মীয়াম্না চাওনা থাজবা থম্লি। মীয়ামগী থাজবা অসি মাঙহন্দনবা হোৎনগনি। মহাক্কী কোম্পানি অসিনা চেকশিলহৌদবদগী থোকখিবা নুঙাইতবা অসিগীদমক মীয়াম্না ঙাকপীগনি হায়না থাজৈ।
পুঙ ৬ লোম সাইটশিং অসি শীজিন্নবা য়াখিদবা অদুনা মরম ওইরগা মালেমগী ওইনা ফেসবুক্তা মিলিয়ন ১০.৬ হেনবনা রিপোর্ট তৌরকখি। সার্ভিস অসিবু পেন্দবা ফোঙদোক্তুনা রিপোর্ট তৌরকখিবশিংগী মনুংদা মিলিয়ন ১.৭ না য়ুএসতগীনি। মদুগী মতুংদা জার্মানিদগী মিলিয়ন ১.৩ অমসুং নেদারলেন্ডদগী ৯,১৫,০০০ না রিপোর্ট তৌরকখি। ফেসবুক য়াওনা কোর্পোরেট অমব্রেলা অসিগী মখাদা লৈরিবা ইন্সটাগ্রাম, হোয়াটসঅ্যাপ অমসুং মেসেঞ্জার শীজিন্নরিবা মীওইশিংদা চাউনা অকায়বা পীখিবা অসি কোম্পানি অসিগী ওইনসু য়াম্না মাঙজবা অমনি। টেক্নিকেল প্রোব্লেম্না মরম ওইরগা খুদোংচাদবশিং অদু থোকখিবা ওইরম্বা য়াই।
হিরম অসিগী মতাংদা থিজিনবগী থবক চত্থবা হৌখ্রে। সিষ্টেম কনফিগারেশন শোয়বদগী খুদোংচাদবা অদু থোকখিবনি হায়না ইঞ্জিনিয়ারশিংনা ফোঙদোরক্লি। অদুম ওইনমক পুং ৬ লোম সাইটশিং অসি শীজিন্নবা য়াহনখিদবা অসি কোম্পানি অসিগী লুচিংবা অমা ওইনা মাহ্কানা লায়না লৌদে। মথৌদা পুক্নিং চংদবা ষ্টাফশিং মশক খঙদোক্তুনা মখোয়গী মথক্তা শোয়দনা এক্সন লৌখৎকনি হায়না মার্ক জুকারবার্গনা মখা তানা ফোঙদোরক্লি।
সোর্স: হুইয়েন লানপাউ।
- ট্যাগ:
- টেক
- সোশ্যাল মিডিয়া
- ফেসবুক
0 কমেন্ট:
কমেন্ট তৌবিয়ু