মণিপুর সাহিত্য সমিতি থৌবালগী য়েনিং ফোঙখ্রে, পদ্মশ্রী এৱার্দি ওকখ্রে
থৌবাল, এপ্রিল ১৭ : মণিপুর সাহিত্য সমিটি থৌবালগী চহীগী ওইবা চেফোঙ য়েনিংগী ২৯শুবা এদিসন ফোঙবা অমদি থাঙ-তাগী লমদা পদ্মশ্রী এৱার্দ ফংলকখ্রবা সমিটিগী পেট্রোল মেম্বার ককচিংতাবম সনাথোইবা শর্ম্মাবু ওকপগী থৌরম ঙসি থৌবাল অচৌবদা লৈবা মাল্টিপর্পজ কম্ম্যুনিটি হোলদা পাঙথোকখ্রে।
মণিপুর সাহিত্য সমিটি থৌবালগী মেম্বার অমা ওইরম্বা লৈখিদ্রবা কবি যুগেশ্বর ৱাইখাদা কত্থোক্লবা চহীগী চেফোঙ য়েনিং ফোঙবগী থৌরম অদুদা মণিপুরী লেঙ্গোইজ এদবাইজরি বোর্দ সাহিত্য একাদেমি নিউ দিল্লীগী কনভেনর প্রোফেসার রাজেন তোইজাম্বনা অথোইবা মীথুং, মণিপুর সাহিত্য সম্মিটি থৌবালগী প্রেসিদেন্ট উইং কম্মান্দর একে দেবেননা থৌরম মপু, অদুগা মণিপুরী লিটরেরি সোসাইটি ইম্ফালগী প্রেসিদেন্ট এন কিরনকুমার, মণিপুরী সাহিত্য পরিষদ থৌবাল ডিষ্ট্রিক্ট ব্রাঞ্চ ৱাংজিংগী প্রেসিদেন্ট এন রাজেন অমদি সিওয়েবসকী ভাইস প্রেসিদেন্ট য়েংখোম ইন্দিরানা অখন্নবা মীথুংশিং ওইনা শরুক য়াখি।
থৌরমগী মপুং ওইবা শরুক অম ওইনা অথোইবা মীথুংশিং য়েনিং চেফোঙ ফোঙবগা লোয়ননা পদ্মশ্রী এৱার্দি ককচিংতাবম সনাথোইবা শর্ম্মাবু সাইটেসন অমদি লেংয়ান য়ান্দুনা তরাম্না ওকখি। লোয়ননা লৈখিদ্রবা সমিটিগী মেম্বারশিংদা মিনিট ২ তুমিন্না লেপ্তুনা ইকায়খুম্নবা উৎপা, লৈখিদ্রবা কবি যুগেশ্বর ৱাইখানা ইরম্বা শৈরেংশিং অইবশিংনা পাথোকপা অমদি লৈখিদ্রবগা তিন্নজরম্বা মরুপ মপাংশিংদা অচম্বা খুদোল তম্বনা মপুং ওইবা থৌরমশিং ওইখি।
সোর্স: সঙাই এক্সপ্রেস
0 কমেন্ট:
কমেন্ট তৌবিয়ু