আপডেট:
image

মণিপুরী শৈরেং নুমীৎকা মরী লৈননা শৈরেং চাংদম্নগনি

ইম্ফাল, সেপ্টেম্বর ০২ : ফিক্সন এন্দ পোইট্রি ক্লাব মণিপুরনা মপুং ওইবা থৌদাং লৌদুনা কুমজা ২০১৭ তগী মেরাগী থানিল পূর্ণিমা নুমীৎতা মণিপুরী শৈরেংগী নুমীৎ পাঙথোক্তুনা লাক্লি। চৎলিবা চহী অসিগী ওইনসু লাক্লিবা ওক্টোবর ৯, নোংমাইজিং নুমীৎ মেরাগী থানিল পুর্ণিমা নুমীৎ অসিদা ক্লাব অসিনা শীন্দুনা জে এন মণিপুর দান্স একাদেমীগা পুন্না খুৎশম্নদুনা একাদেমী অসিগী অডিটোরিয়ামদা মণিপুরী শৈরেং অমসুং মণিপুরী খোরিরোলগী মরুওইবা নুমীৎ অসিগা মরী লৈননা শৈরেং চাংদম্নবগী থৌরম পাঙথোক্লগনি হায়না ক্লাব অসিগী সেক্রেটারিনা থাদোরকপা চেরোল অমনা ফোঙদোরক্লি।

চাংদম্না অসিবা শরুক য়াবীনিংবশিংনা শৈরেং থাজিল্লকপগী অরোইবা নুমীৎ সেপ্টেম্বর ২৫ ওইগনি। শৈরৈং থাজিল্লকপা মতমদা কম্পিটিটর অদুগী মিং, লৈফম অমসুং পাউ ফাওনবা য়াবা মোবাইল নম্বর য়াওহনবীরক্কদবনি। চাংদম্নবা অসিদা মণিপুরগী ৱাংমদা খুন্দারিবা মণিপুরী লোলনা মমালোল ওইরিবশিংসু শরুক য়াবা য়াগনি। লোয়ননা থাজিল্লক্কদৌরিবা শৈরেং অসি পাউচে অমসুং চেফোঙদা ফোঙখিদ্রিবা অমদি সোসল মীদিয়াদা থাগৎখিদ্রিবা ওইগদবনি।

মীওই অমনা শৈরেং অমদগী হেন্না থাজিল্লকপা য়ারোই। শৈরেং চাংদম্নবা অসিদা অহানবা মনাদা লুপা লিশিং ৪, অনীশুবা মনাদা লুপা লিশিং ৩ অমদি অহুমশুবা মনাদা লুপা লিশিং ২ পীগনি। চাংদম্নবা অসিগী অকুপ্পা মরোলগীদমক ৭০০৫৩০৮৭৪১, ৭০০৫৬৮১২২৬ তগী খঙবীবা য়াগনি। লোয়ননা চৈরাপ কোর্ট ওপোজিটতা লৈবা য়াইবিরেল কম্ম্যুনিকেসন্দসু থাজিল্লকপা য়াগনি হায়রি।

সোর্স: হুইয়েন লানপাউ   

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু