মণিপুরী এসোসিয়েশন ওব কনাডা গী মঙা শুবা বাইনিএল কনভেন্সন পাঙথোকখ্রে
মণিপুরী মিরর ডেস্কঃ মণিপুরী এসোসিয়েশন ওব কনাদা (এমএসি)গী ৫শুবা বাইনিএল কনভেন্সন কোভিদ-১৯ না মরম ওইদুনা মমাংঙৈগী মতৌগুম মফম অমদা পুনদুনা শিনলাংবগী মহুৎ
মণিপুরী মিরর ডেস্কঃ মণিপুরী এসোসিয়েশন ওব কনাদা (এমএসি)গী ৫শুবা বাইনিএল কনভেন্সন কোভিদ-১৯ না মরম ওইদুনা মমাংঙৈগী মতৌগুম মফম অমদা পুনদুনা শিনলাংবগী মহুৎতা ওনলাইনগী খুত্থাংদা আগষ্টকী তাং ১৬ দা পাংথোকখ্রে হা্য়না এসোসিয়েশন অসিগী প্রসিডেন্টকী চেরোল অমনা হায়রি।
কনভেন্সন অদুদা কনাডাগী টরোন্টো, মোন্ত্রিয়ল, সস্কাচুয়ান, ক্যালগ্যারি, এডমোন্টোন, উইনিপেগ অমসুং ভেঙ্কুভারদা লৈবা মণিপুরীশিংনা শরুক য়াখিবগা লোয়ননা থৌরম অদু ফেসবুক অমসুং ইউটিউবতা লাইভ টেলিকাস্তসু তৌখি। থৌরম অদুদা মণিপুরদগি শক্নাইরবা আর্টিষ্টশিং রোজি হৈস্নাম, মংকা, এ জে মাইস্নাম, আর্বিন সোইবম, কে বোবিন, কেনেদি অমসুঙ মহেশ চংময়ুম অদুগা কনাডাদা লৈরিবা মণিপুরীশিঙগী মরক্তগী টেলেন্ট লৈবা আর্টিষ্টশিং অমদি ইন্দিয়াগী তোঙান তোঙানবা সিটিশিংদা লৈবা মণিপুরীশিংসু শরুক য়াখি হায়রি।
কনভেন্সন অদুদা এমএসিগী থৌ পুনবা মীওইশিং নৌনা খনখি। খল্লবশিং অদুদি প্রসিদেন্টতা নবকিশোর সিংহ হাওবিজম, ভাইস প্রেসিডেন্টতা রুসিয়াচান্দ হৈখাম, সেক্রেটরিদা পৃথিরাজ কাংজম, এসিস্তেন্ট সেক্রেটরিদা তোলেন মোইরাংথেম, ত্রেজররদা অভিজিৎ ৱাংজম অমসুঙ একজিক্যুতিব মেম্বর ওইনা বুধচন্দ্র খুন্দ্রাকপম অমসুং দিলিপ কুমার শর্ম্মনি। এসোসিয়েশন অসিগী এডভাইজরি মেম্বর ওইনা ডা: জয় লাইশ্রম, জয় চবুংবম, প্রমোদ হামোম, জনঞ্জয় রাজকুমার অমসুং রনেশ্বর শর্ম্মবু খল্লে হায়রি।
এসোসিয়েশন অসিগী অনৌবা প্রজেক্ট ওইনা কনাডাদা অনৌবা ইমিগ্রেন্ট অমসুং মহৈরোয়শিং লাকহন্নবা থৌরাং পায়খৎপা, তোল্লা-তারবা মহৈরোয়শিং অমসুং অহল লমনশিংদা মতেঙ পীবা, টেলেন্ট শো পাঙথোকপা লোয়ননা কনাডাদা লাক্নিংবা মণিপুরিশিংগীদমক ‘এক্সপ্লোর কনাডা’ পায়খৎনবসু লেপ্নরে হায়রি।
0 কমেন্ট:
কমেন্ট তৌবিয়ু