image

মগুণ লৈবা লাইরিক পুথোকপা মথৌ তাইঃ শরতচান্দ থিয়াম

ইম্ফাল, ওক্টোবর ৬ : সাহিত্য থৌপাং লূপ (সাথৌলুপ) না শিন্দুনা ঙসি সৌবাম সোবিতা দেবীনা ইবা ‘চেৎনা পায়য়ু ফিজিসে’ হায়না মিংথোনবা শৈরেংগী লাইরিক অমা ঙসি দি আই পি আরগী ওদিতোরিয়ামদা ফোঙখ্রে।

থৌরম অদুদা মণিপুরী এদভাইজরি বোর্দ সাহিত্য একাদেমিগী কনভেনর রাজেন তোইজাম্বনা চীফ গেস্ত, ইমিনেন্ত ক্রিতিক সলাম তোম্বা অমসুং মণিপুর স্তেত এসেবব্লিগী হান্নগী জোইন্ত দিরেক্তর এস দেবেন্দ্রনা গেস্ত ওব ওনর ওইখি। সাহিত্য একাদেমি এৱার্দি শরতচান্দ থিয়াম্না প্রিসাইদ তৌবা থৌরম অসিদা এন নন্দোনা লাইরিক্কী মরমদা ৱা ঙাঙখি।

থৌরম অদুদা প্রেসিদেন্ত ওইখিবা শরতচান্দ থিয়ামনা হায়খিবদা, হৌজিক্কী মতম অসিদা মগুণ লৈবা লাইরিক কয়অ পুথোকপা মথৌ তাই। মসিনা মীয়ামদা অচৌবা ঈথিল অমা পীগদৌরিবনি। ৱারেং-শৈরেং কয়ানা মরৈবাক মরমদম নুংশিবগী ৱাখল্লোন পোকহনগদৌরিবনি।

মহাক্না মখা তানা হায়, এম কে বিনোদিনীনা ইরম্বা কনাদা শিন্ননি ফীরাল অসে কনাদা হাপকনি পাৎলুম অসে হায়রিবা ৱাহৈ অসিনা মীয়ামদা থৌনা অমা পীরি। রতন থিয়ামনা ইবা নখোয়দি তুমখ্রে ঐখোয়বু হৌদোকপীরম্লগা হায়রিবা ৱাহৈ অসিমক্না মীয়ামদা চাওনা ইনোৎ অমা পীরিবনি। মরম অসিনা অইবা-অইবীশিংনা মতিক ময়ায় লৈবা ৱাহৈশিং ইরক্তুনা মীয়ামদা খূৎলায় ওইহনগদবনি।

থৌরম অদুদা রাজেন তোইজম্বনা হায়খিবদা, ঙসি ফোঙলিবা লাইরিক অসিগী মফম অমদি মণিপুরী সাহিত্যদা লৈরগনি। লাইরিক অসিনা পীরিবা পাউজেল অসি মীয়ামদা য়ৌহনবা ঙম্লগনি।

গেস্ত ওব ওনর ওইখিবা সলাম তোম্বনা হায়খিবদা, হৌজিক্তি মণিপুরদা ইসু ময়াম অমা থোরক্লে। মসিদা নুপীশিংনসু মখোয়গী ওইবা খোঞ্জেল অমা পুদুনা মখোয়গী লাইরিকশিংদা ফোঙদোরক্লে।

লাইরিক অসিগী অইবী সৌবাম সোবিতা দেবীনা হায়, লাইরিক অমা পুথোকপা হায়বসি হৌজিক্তি তরাইনা লৌবা য়ারক্ত্রে। হৌজিক্কী চরাংনবা মতম অসিদা লাইরিক অসি পুথোক্নবা হোৎনবদা য়াম্না চেকশিনবা মথৌ তাখি। অদুবু শৈরেং ৬৫ য়াওবা লাইরিক অসি ঙসি মীয়ামগী খূত্তা য়ৌহনবা ঙম্বসিদা য়াম্না নুংঙাই।
সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু