বাংলাদেশতা নিংতম কাং টুর্ণামেন্ট-২০২৫ হৌদোকখ্রে
কমলগঞ্জ, ৭ ফেব্রুয়ারি : মৈতৈ য়েলহৌঙৈদগী শান্নবা কাং মশান্না অসিবু য়োকখৎপা অমসুং শন্দোকপগী পান্দমদা চহি খুদিংগী পাঙথোকপগুম ঙশি (৭ ফেব্রুয়ারি ২০২৫ খ্রি.) ঈরাই নুমিৎতা বাংলাদেশ মণিপুরী কাং ফেডারেশন্না শিলাংদুনা ভানুগাছকী আদমপুর বাজারগী নয়াপত্তনদা লৈবা কাংশংদা নিংতম কাং টুর্ণামেন্ট ২০২৫ হৌদোকখ্রে।
হৌদোকখিবগী থৌরমদা বাংলাদেশ মণিপুরী কাং ফেডারেশনগী এডভাইজর রাধামোহন সিংহনা কাং কাপলদুনা হৌদোকখি। হৌদোকপগী থৌরমগী নৈনবা মীফমদা বাংলাদেশ মণিপুরী কাং ফেডারেশনগী প্রেসিদেন্ট ইবুংহাল শ্যামলনা ময়াইতাংবল লৌবিরগা নোংমাইথেম অশোক-কী কন্ডাক্ট মখাদা হৌদোকপগী থৌরম অথোইবা মীথুংলেন ওইনা বাংলাদেশ মণিপুরী কাং ফেডারেশনগী ফর্মার প্রেসিডেন্ট কে. মনীন্দ্র সিংহ অখন্নবা মীথুংলেন ওইনা বাংলাদেশ মণিপুরী কাং ফেডারেশনগী ফর্মার জেনারেল সেক্রেটারী টিএইচ. হিরন্ময় সিংহ লোয়ননা ফেডারেশনগী জেনারেল সেক্রেটারি নারেংবম সমরজিত সিংহ য়াওনা অতৈ অতৈ মেম্বার য়াওনা মীওই কয়া শরুক য়ারদুনা ৱা ঙাংবিখি।
হৌদোকপা নুমিৎকী অহানবা শান্নবদা কোনাগাঁও উজাও লাইরেম্বী কাংখুৎ (০৭) না হামোমখুল মহাদেব কাংখুৎ (০৫) তগী পাঞ্জেল অনিদা মাইপাকখি মথংদা কোনাগাঁও উজাও লাইরেম্বী কাংখুৎ (০৬) না ভানুবিল ভানুমতি কাংখুৎ (০৩) তগী পাঞ্জেল ৩ দা মাইপাকখি অরোইব শান্নবদা হামোমখুল মহাদেব কাংখুৎ (০৯) না ভানুবিল ভানুমতি কাংখুৎ (০৩) তগী পাঞ্জেল ৬ হেন্দুনা মাইপাকখি।
0 কমেন্ট:
কমেন্ট তৌবিয়ু