বাংলাদেশকী ভানুগাছতা ময়েক মপী তম্লীবা মহৈরোয়শিংগী পরীক্ষা ঙসি লৌখ্রে
সিলেট, জুলাই ৮ : লনায় লিঙ্খৎচবা মৈতৈ ময়েক তম্নফম স্কুল 'মণিপুরী ভাষা স্কুলগী' মহৈরোয়শিংগী ক্লাশ টেস্ট ঙসি লৌখ্রে। পরীক্ষা অসিদা গ্রুপ অনিগী মহৈরোয় ৩৫ শরুক য়াখি। এ গ্রুপতা ক্লাশ অহুমদগী মঙা অমদি বি গ্রুপতা ক্লাশ সিক্সতগী টেন ফাউবগী মহৈরোয়শিংনি।
লোন অমসুং ইয়েক খংদবা য়াদে, হৈতবা য়াদে হায়বগী পান্দমদা লন্নায় লিঙ্খৎচবা স্কুলনি। স্কুল অসিগী ফাউন্দার ওইবাখক্তা নত্তনা তাকপি তম্বিরিবা ওজা বৃন্দারানি সিনহানা চয়োল অমদা নোংমখক্তং ময়ুমদা তাকপি-তম্বিবা হৌখি। মহাক্কি স্কুল অসিদা মৈতৈ পাঙ্গল মহৈরোয়শিংসু য়াউই।
ঙসি ৮ জুলাই ইরাই নুমিৎ মৌলভীবাজার জেলা, কমলগঞ্জ উপজেলাগী মনুং চন্না লৈবা আদমপুর ইউনিয়নগী ওক্ত্রুবিলগী হকতিয়ারখোলা সরকারী প্রাথমিক বিদ্যালয়দা অয়ুক পুং তরাদগী পরীক্ষা অসি হৌখি। পরীক্ষা অসিদা য়েংশিন্বা ওইনা বাংলাদেশ মণিপুরী সাহিত্য সংসদ, কমলগঞ্জ জোনগী প্রেসিডেন্ট মাইবম বীরেন্দ্রনা লুচিংদুনা হামোম প্রবিত, এন শান্ত, অবুজম মনিভদ্র, কন্থৌজম শিল্পী, অয়েকপম অঞ্জু য়েংশিন্বদা শরুক য়াখিরম্মি।
- ট্যাগ:
- Manipuri
- Bangladesh
- Language
0 কমেন্ট:
কমেন্ট তৌবিয়ু