বরাক কালচারেল ফেষ্টিভেল ২০২৪ দা ক্ষেত্রিময়ুম মাধবীদা ‘সংস্কৃতি সেবীকা মনা’
আগরতলা, মার্চ ২৮ : নুমিৎ নিনি চুপ্না মার্চ ২৬ অমসুং ২৭ দা বনতারাপুর বরাক ম্যুজিয়াম কমপ্লেক্সতা ‘বরাক কালচারেল ফেষ্টিভেল ২০২৪’ লোইশিনখ্রে। ফেষ্টিভেলদা মখল কয়াগী থৌরমগী শরুক অমা ওইনা তোঙান তোঙানবা হীরম কয়াদা মতিক মগুণ লৈরবা শক্নাইরবা মীওই কয়াবু মনা লান্থোক্তুনা ইকাইখুম্নখি।
ক্ষেত্রিময়ুম মাধবী
বরাক কালচারেল ফেষ্টিভেল ২০২৪ গী থৌরম অসিদা সংস্কৃতিগী লমদা ত্রিপুরাগী নিঙোল ক্ষেত্রিময়ুম মাধবীগী মমল নাইরবা থৌদাং কয়াবু শক খঙলদুনা বরাক ম্যুজিয়ম এ্যন্ড লাইব্রেরী কাছার অমসুং মণিপুরী কালচারেল ফোরাম, আসাম অনীনা ‘সংস্কৃতি সেবীকা মনা’ পীদুনা ইকাই খুম্নখি।
অরোইবা নুমিৎ অদুদা ইউ এস এ দা লৈবা নৃত্যগুরু নবঘন শ্যামদা ‘নৃত্যরত্ন’, মণিপুরগী এস তিজেন্দ্রদা ‘সঙ্গীতরত্ন’, হোজাইগী পি কামিনী সিংহদা ‘সমাজ সেবক’ , মণিপুরগী এস হেমন্তদা ‘নাট্য ভূষন’ , ওয়েষ্ট বেঙ্গলগী প্রোঃ ৱাই হেমন্ত কুমারদা ‘নৃত্য ভূষন’, মণিপুরগী খুমুকচম চন্দ্রমনিদা ‘বাদ্যভূষণ’ মনা লান্থোকখি।
সোর্স: মরূপ
0 কমেন্ট:
কমেন্ট তৌবিয়ু