আপডেট:
image

ফ্রীদম ফাইটার লাইখুরাম খগেন্দ্রজিৎকী ১৩৮ মপোক কুমওন পাঙথোকখ্রে

ইম্ফাল, সেপ্টেম্বর ১৩: ফ্রীদম ফাইটার লাইখুরাম খগেন্দ্রজিৎকী ১৩৮শুবা মপোক কুমওন থৌরম ঙসি ৱাংখৈ কৈথেল অশাংবীদা লৈবা খগেন্দ্রজিৎ রিসার্চ কমিতিগী অফিসতা পাঙথোকখ্রে। থৌরম অদুদা দি এম য়ুনিভার্সিটিগী মণিপুরী দিপার্টমেন্টকী ফেকাল্টি মেম্বার দাঃ এল শরতচন্দ্রনা চীফ গেস্ত অমসুং খগেন্দ্রজিৎ রিসার্চ কমিতিগী প্রেসিদেন্ট দাঃ এম কুঞ্জবিহারীনা প্রেসিদেন্ত ওইখি।

থৌরম অদুদা চীফ গেস্তকী ৱারোল পীরদুনা দাঃ শরতচন্দ্রনা হায়, লৈখিদ্রবা ফ্রীদম ফাইটার খগেন্দ্রজিৎ অসি লমদম অসিগী হীরম কয়া মণিপুরগী ৱাংমদা খুন্দারিবশিংদা খঙহন্নবা হোৎনবদা অচৌবা থৌদাং লৌরমখি। কাউফম থোক্তে। মহাক্না ইরম্বা দ্রামা ইং ১৯২৬ তা আগরতলাদা শাফোং খি। সিলচর গভর্ণমেন্ট হায় স্কুলদা মোইরাং পর্ব শান্নখিবা নীংশিংদবা য়ারোই। মহাক অসি মণিপুরগী ৱাংমদা খুন্দারিবা মৈতৈ তাবা মফমশিংদা লমদম অসিগী পুৱারী কয়া শক্তাক্নবা হোৎনরম্বা লুচিংবনি।

দি এম য়ুনিভার্সিতিদা দ্রামাগী হিস্টোরি নৈনবদা লাইখুরাম খগেন্দ্রজিৎকী নৈনরি। অদুগা লাইখুরাম খগেন্দ্রজিৎকী ফিদা মণিপুরী লিটরেচরদা করিগী পীদবনো হায়বসি হংনিংঙাইনি হায়না দাঃ শরতচন্দ্রনা ফোঙদোকখি। দাঃ এম কুঞ্জবিহারীনা হায়, লাইখুরাম খগেন্দ্রজিৎনা পাঙথোক্লবা থৌগায় কয়া ঐখোয়না খঙলমদবা কয়া ঙসিগী চীফ গেস্তনা হায়বদগী খঙবা ঙম্লে। লমদম অসিদা ইপা-ইপুশিংনা তুংগী মীরোলগীদমক হীরম খুদীঙমক্তা অৱাৎ-অপা অমত্তা লৈহল্লমদে।  

খগেন্দ্রজিৎনা লময়ানবা হিজম ইরাবতকা খোঙজং কয়াদা চৎমিন্নরম্বগী ৱারী লৈরি। মণিপুরগী পুৱারীদা মুৎপা নাইদনা লৈহৌরগদবা নুপী লানগী মতমদা লৌখিবা ৱারেপশিংদা ফ্রীদম ফাইটার অসিসু য়াওরম্বগী খুদম কয়া থেংনবদা রিসার্চ কমিটি অসিনা হরাওবা ফাওই হায়না কুঞ্জবিহারীনা ফোঙদোকখি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু