• 410
• ৯ই জানুয়ারী ২০২১ ইং
• Share on:

থৌনাওজম শ্যামগী ৱারীমচা- মিকপ থোকপা

মচানুপীগী মিকপখোল তাদুনা ঙৌবীতোনসু অফিং-অফাই তৌনা থোঙ্গান্দা চেন্থোরক্লম্মী। থৌদোক্তু অশংবীনা থোকহনবনি খঙবদগী মাঙোন্দা ওনশিন্দুনা চীন্দা পাউদানদুনা খৎনরম্মী।মচা শোক্লুবা ষণবীনা করি হেঞ্জরুগনি মতাগুমনি। ঙৌবীতোনসু মচা শোক্লকপা কৌবনিনা হায়নি হায়রোই খঙখিদ্রে। “পোক্তবা মচানিনা কদাইদগী নুংশিরুগনি। লৈবুংনা শাবা ষণ মো খোংবরা হায়নবা ওন্থোক্না চুমখ্রেদকো।” য়াম্না পেন্না ৱাহৈগী মচীনা দং ৱাইরকই ।অমসু তিং পাল্লম্মী।

মীনা মখৈ ফংলগা শাউবা,লাইনা মখৈ ফংলগা হরাউবা হায়বদুনি।অশংবীদু মৈ হৌবা মখৈ শাউরে। উমাইবীনা য়েন্নাও লাকপগুম হুৎ পাইশিল্লক্তুনা মচাগী মিকপখোলদা পুনশিনগনি কাউরবা ঙৌবীতোনগী ইফা-ফারবা মশমদু তাপ লাওনা লাক্তুনা হুর-হুর হায়রকই।ঙৌবীতোনসু অমদুগী মখুজেংদু ময়ানা কন্না হেক চীক্লম্মী। মদুদতা মশমদু থাদোরকই।মখোয় অনীগী খৎনবদু চান্নমক্কী কুম্মৈদুমঙাই।

নুমিৎ অদুগী থোকহন্নিংদ্রবা থৌদোক অদুগী মতুংদগী য়ুমথংনরিবা ইমুং অনীদু শম্বল ৱাংনা ৱাংনা খাদুনা চংনখিদ্রে। অদুবু অঙাং অনীদুদি অহলশিং উদ্রিঙৈদা হুরান-হুরান্দুনা তিন্নবা তোক্লমদে।

নিংথমথাগী মতমনি। নুমিৎ ময়ুম য়াংনা চংবা পান্থানি।নোংমা নুংথিলগী মতমদা নুপীমচা অনীখক পরপ পরপ স্কুলদগী হল্লকই।নোংদোল থক্কী মঙানি পানবা থাজসু নংহৌররোই মতাগুম লৈচিলগী ইন্নফি হায়দোক্তুনা অঙাং অনীদুবু য়েংলা-য়েংলদুনা মতুং কোইন ইন্নরক্লম্মী।

অঙাং নুপীমচা অনীদুসু ৱারী শানা শানা লাকখিবনা ময়ুম ময়ুম য়ৌখিবা খঙহৌদে।

চনচননা ঙসাই বেমবেম মখোয় অনীনা শানখিবা ৱারীশিংদু মাসু মথ্বায় নুংঙাইতদুনা মমাদা তম্লকই-

“ইতা চনচন নঙগীদি নমা লৈবনিনা য়াম্না নুংঙাইরমগনি।স্কুলদগী হনখ্রগা চাক চারগা শান্নবা অমুক থোরক্কনি। ঐগীদি কদাই? ইমাতোনখোয় ময়াম্না চাবগী লুখাক-চগুম ময়াম অমনি পৈদুনা লৈরমগদৌবা। চাক চারগা মদুশিংদু ঐনা লোইনমক ফেংলুগদৌরিবনি। অদুগা শান্নবসু থাবীরোই। স্কুল কারমদাইদসু নংবোই নংদবোই চাক থোংনবা ঈশি়-মায়শিং খোংহামবুন ঈশিংনাচিংবা পূম্নমক শোকচিল্লম্লবনি। অমত্তং হেক তৌরমদবদা ঐগী চাক ফাউবা হাপ্পীরম্লোইদৌরিবনি।”

“ইতা বেমবেম নঙগী ৱারীসি তারগা ঐসু থৱায় য়াম্না নুংঙাইতে।নখোয় নমাতোনসে ফৎমন্নসু ফত্তেহে।মশানা পোকচবা মচানুপীদুবুদি থবক অমত্তা ফৈনা তাবা য়ুংনা খুনগৎহন্নিংপোৎ নত্তে। মতম চুপ্পদা মকে শেমদুনা লৈহনগনি। হয়েংতা লুহোংখিগদৌরবী লৈশাবীগুম।””

“নঙ করম হায়না খঙঙিবনো? ”

“ও উইয়ে। মিৎ পাল্লিবনিনা। য়েনখা থংনরিবু করিগী খঙলোইদোইনো! ”

“ও অদুদি নঙ,ঐগী ইতৌবু হুরান-হুরান্দুনা য়েংলম্লিবোইরে। ”

“অং অং!নঙগী দমক ঐসে হুরানবী ওইরবসু ফরে। অদো নঙ হোরেল শান্নবদি থোরকপীদবদি য়াদেকো, অংকো। ”

“ইতা ঐ শান্নবা থোরক্লরোইদা।হোরেল ইমাতোন্না ঙাংগনি। নঙ শাউনু। ”

“কৈসু ঙাংলোইসে। ঐখোয়বু হৌজিক অঙাং ওইরিঙৈদা শান্নহৌদনা করম্বা মতমদা শান্নদোইনো?”

“অদুবুদি ঐসু শান্ননিংইবনি।য়াদনা তৌরিবনিয়ে ইতা।”

“ঐসু ঐগী মীচঙ লৈতনা তৌরিবনিয়ে ইতা। ”

“ইতা ঐসে নুঙ অনীগী মরক্তা হা হায়বদু ওইরে। নঙগী খল্লুরগা শান্নবদু লাকনি়ংই।অদুগা ইমাতোনগী খল্লুরগা লাকপা ঙমলোইদৌরি।”

“মীচঙ ওইমিন্নসি হায়বা। নঙনা শান্নবা লাক্কনি হায়রবদি, নঙগী থবকশিংদু ঐসু য়াওবীগেনে। ”

মচানুপী চনচননা তম্লিবা ৱারীদু তারগা ঙৌবীতোন্না মচাবু থাগৎলদুনা হায়রকই, “অদুনিদনা, ইচাদি মরম ওকই।” মমাগী ৱাহৈদুদা হরাওদুনা চনচননা ৱারী মখা তারকই।

“ইমা,বেমবেমদো মমাতোনদুনা য়াম্না ওৎপীমাল্লে ।মানা ৱারীশিংসি তৌবদা মমিৎতগী শিন্থারকখিবা পীরাংদু ঐনা নুংঙাইতদুনা তৈথোকপীরম্মীবনি।”

“নমান্নবা তিন্নবা হায়বদুদি অদুম্না তৌগদবনি। অদুগা লোয়ন- লোয়ননা নঙগী লাইরিক পাবসু মতম মাংহল্লোইদবনি।” অসুম্না ঙৌবীতোন মমা মচাদু ৱারী শান্নরম্মী।

হায়নখিবা মতুং ইন্না ৱা ঙাক্তুনা চনচননা বেমবেমগী থবক্তা য়াওবীরম্মী। মমাতোন্না থৌদাবা থবক খুদিংমক অমত্তা চিত্থদনা মখোয় অনী পুন্না শুমিন্নদুনা লোইশিল্লগা নুংথিলগী মতমদা হেক হেক শান্নমিন্নৈ।

নোংমদি চনচননা কন্না কন্না কৌরকপদুদা বেমবেমসু থবকশিংদু হাথু হাথু তৌরম্মী। কাউবদগী মমাতোন্না হায়রম্বা থবক অমা তৌরমদনা শান্নফমদা

লাক্লম্মী।নুমিৎতু খোঙ নাম্মা থাঙ্গৎলগা চেগাই কাউ কাউদুনা চোং চোংদুনা শান্নবা ‘কুৎ-কুতা’ হায়বা মশান্নদু শান্নরম্মী। ময়াম শান্নবনিনা ৱা-ৱা লাউদুনা খরদি লাংলম্মী।

অঙাংশিংদু মরাইবক থীবা হায়বদুনি। মখোয়গী লাংবদু তাদুনা বেমবেমবু থিবা লাক্লিবা অশংবীদু শান্নরিবা অদুগী মায়গৈরোমদা লাক্লম্মী। অঙাং অনীদু মিহুন দুং দু় লাউনরম্মী।

অশংবীনা লাউরক্লম্মী,”বেমবেম য়াওব্রা?হায়রম্বা থবক্তি তৌরমদনা শান্নবা চৎপরা হায়ববূ খঙগনি ঙসিদি! ”

অদুদগী অশংবীনা পায়রক্লিবা চৈশাংদু উৎলগা চেনশিল্লকপদু উবদা শান্নরম্বা অঙাংশিংদু কিদুনা মাগী মাগী মথ্বায় হীংনবা মানা মানা থোকপা চেন্নরম্মী। ময়াম চেন্নবদুদা চনচনগা বেমবেমগা থেঙ্গাইনবদা চনচনগী মিৎথক্কী পীশূমদু কাইরম্মী। চনচনসু “ও ইমা শিরে ” হায়না কন্না লাউরক্লম্মী। অদুবু অশোকপা মফমদু মখুৎ মচা অনীদুনা পায়শিল্লগা চেনবদি তোক্লমদে।

মচানুপীগী মিকপখোল তাদুনা ঙৌবীতোনসু অফিং-অফাই তৌনা থোঙ্গান্দা চেন্থোরক্লম্মী। থৌদোক্তু অশংবীনা থোকহনবনি খঙবদগী মাঙোন্দা ওনশিন্দুনা চীন্দা পাউদানদুনা খৎনরম্মী।মচা শোক্লুবা ষণবীনা করি হেঞ্জরুগনি মতাগুমনি। ঙৌবীতোনসু মচা শোক্লকপা কৌবনিনা হায়নি হায়রোই খঙখিদ্রে। “পোক্তবা মচানিনা কদাইদগী নুংশিরুগনি। লৈবুংনা শাবা ষণ মো খোংবরা হায়নবা ওন্থোক্না চুমখ্রেদকো।” য়াম্না পেন্না ৱাহৈগী মচীনা দং ৱাইরকই ।অমসু তিং পাল্লম্মী।

মীনা মখৈ ফংলগা শাউবা,লাইনা মখৈ ফংলগা হরাউবা হায়বদুনি।অশংবীদু মৈ হৌবা মখৈ শাউরে। উমাইবীনা য়েন্নাও লাকপগুম হুৎ পাইশিল্লক্তুনা মচাগী মিকপখোলদা পুনশিনগনি কাউরবা ঙৌবীতোনগী ইফা-ফারবা মশমদু তাপ লাওনা লাক্তুনা হুর-হুর হায়রকই।ঙৌবীতোনসু অমদুগী মখুজেংদু ময়ানা কন্না হেক চীক্লম্মী। মদুদতা মশমদু থাদোরকই।মখোয় অনীগী খৎনবদু চান্নমক্কী কুম্মৈদুমঙাই।

নুমিৎ অদুগী থোকহন্নিংদ্রবা থৌদোক অদুগী মতুংদগী য়ুমথংনরিবা ইমুং অনীদু শম্বল ৱাংনা ৱাংনা খাদুনা চংনখিদ্রে। অদুবু অঙাং অনীদুদি অহলশিং উদ্রিঙৈদা হুরান-হুরান্দুনা তিন্নবা তোক্লমদে।

বেমবেমগী মমাতোন অশংবীসি মহা লাইহরিনি। মীনা লাক্ন-ফানবা ঙম্বা নত্তে। য়াম্না তৌঙম্বীনি। মশানা হেক পোকচবা মচানুপী সনাবীনা অতাংবা লনাই লিংবা ইংলিস স্কুল অমদা লাইরিক তমহল্লি। অদুগা পোক্তবী মচানুপী বেমবেমবুনা খুঙ্গংগী ওজাসু শুনা লৈতবা সরকারগী স্কুল অমদা তমহল্লম্মী।

বেমবেমগা সনাবীগসি লোঙ্গা অমত্তনি। সনাবীদগী বেমবেমনা থাশিংদা খরা হল্লি। মখোয় অনীমক চহী তরানিথোইতা ফাজরিবা ক্লাস সেভেনদা তম্লিবীনি।নোংমা বেমবেম মনাওনুপী সনাবীগা লোয়ননা খুল কুম্মৈ অমদা চৎমিন্নরম্মী।মদুদা মীয়াম্না মচিন মনাও অনীগী নোংদোল-লৈখাগুম খেন্নবা ফিজোলদু উবদা চিবোন-চিবোন ঙাংনরম্মী। মবুকথোক্কী মচানুপীবুদি অতাংবা মখলগী ফিরোল শেৎহল-চাহল্লি।অদুবু পোক্তবা মচানুপীসিদদি মীগী অমনবা অতা-অতুশিং শেৎহল-চাহল্লিসিবু কয়াদা ঙমখ্রবা থম্মোইনো?অতাংবমক নত্ত্রবসু অহোংবা অহনবা অমত্তংদি লৈবীদুনা শেৎহনবীবা য়াবনি। অমনা কেবদা মচুম তারে। অদুগা অমনা মফি ফাওবদা অহনবা শেৎচবা ফংদ্রে।

নুমিৎতু সনাবী মপুক্নিং য়াম্না নুংঙাইতনা ময়ুমদা হল্লক্লম্মী। মীয়াম্না ঙাংনহৌবা পুম্নমক অমত্তা চিত্থদনা মমাদা ৱারী তৌরম্মী।

“মথৌ মৱা লৈতবদা মখোয়না অৱোপা শাবীরিরো? য়াম্না নুংশিরগা মোয় অহনবা অমা হেক লৈদুনা থোনবীয়ু হায়য়ু। ”

“ইমা মীনা ঙাঙনহৌবদু ঐ য়াম্না ইকাইজৈ। ঙসিদগী চেচেগা ফিজোল মান্নদ্রবদি ঐ মপানকা অমত্তা থোক্লরোই হায়বীরিসিনি। “ৱাহৈশিংসি হায়দুনা সনাবীনা মমাদা নিংঙাই তৌজরম্মী।অদুবু নুঙদা ঈশিং চাইবনি। মচানুপী সনাবীগী ৱাদু অশংবীনা শিকি অমা ফাওবা তাবীদনা মাগী প্রোক শোনবদু লেপ্লমদে।

“ঐনা ঐগী ইচাদা শেৎহন্নিংবা ফিরোল শেৎহনগনি।মোয়গী মথৌ লৈবরো? য়াম্না মি কাবগী ৱানিনে।”

সনাবী অঙাংমক ওইজরবসু জ্ঞান তাবীনি। ওইনমদি খরা কল্লি। মতা অমগী অঙাংনি।মানা নীংবদু থুংদবা য়াদে। মমানা ঙাংলিবদু মনাদা হাপ্লমদে। থোকখিবা থৌদোক্তু মাবু ইকাইবা পীবনি হায়না খল্লম্মী।

নুমিৎ খরনি মতুংদনি। বেমবেমখোয়গী মমাঙগী য়াংদৌ লম্বীদু দূর্গা পুজাগী লাই খুরুম্বাগী মীনা চিরিক হোদবা মখৈ চৎনরি।চনচনসু মমা উদ্রিঙৈদা তুমিন্না বেমবেমবু লাই খুরুম্বা চৎলুনবা হৌবা লাক্লম্মী।চনচননা লাকপদুদা বেমবেমদু হরাওবনা লোইরম্মী।অদুদগী মখোয় অনী সনাবীদসু হৌরুসি হায়দুনা পরপ পরপ মাগী মনাক্তা চৎলম্মী।সনাবী মথ্বায় য়াম্না নুংঙাইতনা লৈরম্মী।

চনচননা হংলম্মী, “সনাবী করিগীনো নথ্বায় অদুক নুংঙাইতনা লৈরম্মীসিনা? ঙসিসে বর নুমিৎনি

হায়বা কাউরব্রা? লাই খুরুম্বা চৎলুসি।”

সনাবীনা চনচনদা মচে বেমবেমগা মতা শান্নবদুদা ‘চেচে ইতা’ হায়না কৌই। অদুনা অসুম্না খুম্লকই, “কৈসু তৌদেদা চেচে ইতা। বর নুমিৎপু করিগী চৎনিংলোইদোইনো?”

“অদুগদি হৌজিক ফাওবা করিমত্তা লোইশিল্লমদ্রিবা করিগীনো? ”

“ঐগীদি ইমানা পূজাগীনি হায়দুনা অহনবা ফিরোল লৈবীরে। অদুবু ঐগী নুংশিরবী চেচে বেমবেমগীদি লৈবীদ্রি। অদুনা ঐগী অমতা ঙাইরবী চেচেনা অমনবা ফিরোল শেৎলগা ঐনা করম্না অহনবা ফিরোলসি শেত্তুনা চৎকদৌরিবনো?” কপলি কপলি সনাবীনা পাউখুম্লকই।

“অহঃ অদুইদি চুম্মীনে সনাবী। ঐখোয়না অহন-অহনবা ফিরোল শেৎলগা ইতা বেমবেমনা অমনবা শেৎপসি ঐসু য়াম্না নুংঙাইতে। ”

“অদুনা চেচে ইতা নখোয় অনী চৎমিন্নরুরো।ঐদি ঙসি চৎলরোইগে।”

ঙসাইমখৈ বেমবেমদু ৱা অমত্তা ঙাংদনা তুমিন্না লৈরম্বনি। হন্দক্তি মাসু হায়রকই,”ঐগী নুংশিরবী ইনাও সনাবী চৎত্রবদি ঐসু লাই খুরুম্বা চৎলরোই।”

“নত্তে ! নত্তে ! চেচে নখোয় অনীদি চৎতবা য়াদে। হোরেল ইমানা তারগা ঐনা চৎহন্দ্রিবনি হায়গনি। শরৈ কল্লি হায়দুনা ঐবু অমুক ঙাংবীরক্কনি।চেচেবুসু ফুবীগনি। মদু ননাওনা য়েংবা ঙমলোই। ঐখোয় ইমাগী মিহুল নখোয় অনীসু খঙলিবা নত্রা? ”

সনাবীগী ৱাদো তারগা বেমবেমগা চনচনগদো ঙহাক উংদুনা লৈরম্মী। অদুবু ইখঙ-খঙহৌদনা চনচননা অচীকপদু থুগাইদুনা হায়রকই,”ইউরেকা! ইউরেকা! ঐ বুদ্ধি-লৌশিং অমা ফংলে। ”

“করি বুদ্ধি-লৌশিংনো অদুদি?হায়রো তাসি।”বেমবেমগা সনাবীগনা তাঞ্জা অমতদা হংলকই।

“অদুবুরো,ঐগী অহনবা ফুরিৎসি ঙসি ইতা বেমবেমনা লিৎলসনু।অদুগা নচিন-ননাও চৎমিন্নরুরো ঙসিসি। হয়েংনা সনাবী নঙগা ঐগামুক চৎমিন্নরুসি।অদু ওইরবদি নখোয় ইমানা কনামত্তদা ঙাংলরোই। অসুম্না তৌরবদি ‘লিনসু শিবা চৈশুসু তেক্তবা ‘হায়বদু ওইরনি।”

ঙসাইমখৈ নুপীমচা অঙাং অহুম অদুনা ইমুংদা ঙাংনরিবদু অশংবীনা থোঙ মপালদা লেপ্তুনা তারম্বনি। তাবা ঙম্লক্ত্রে। মীনুংশি খঙদ্রবা নুঙগুম কল্লবা থম্মোইদু পেত্থরক্লে। ইচা-মীচা নাইদুনা মীচঙ-মীখায় নাইবগী ফত্রবা ‘হূ ‘না কোক্তা কাখৎখিদুনা পংথরুবদু হন্থরক্তুনা জ্ঞান তারক্লে। ইমুংদা তপ্না-তপ্না চংলকই।মাবু উবদা অঙাং অহুমদু

মিহুল-থাহুন লৈরমদে। মশাশিংদু থক থক নীকপামখৈ অশংবীবু শংত্রিক য়েংদুনা লৈরম্মী। করিবু করিবু তৌরক্কদ্রা খনবদা।

অদুবু য়াম্না থাজদনা অশংবীনা হায়রকই, “নহানমখৈ তুমদুনা লৈরুরবা মিৎসে নখোয় অহুমগী নুংশিনবগী মরী অসিনা পাংহল্লে। করিগী নখোয় অনী অনী তৌদুনা তোঙান তোঙান্না লাই খুরুম্বা চৎকদগে!

নখোয় অহুমমক অমুক্তদা পুন্না চৎমিন্নগদবনি।”

অদুদগী অমুক অঙাং অহুমদুগী মখুৎশিংদু পুন্না পায়হল্লগা হায়রকই, “নখোয় নশম-ননা হাৎতোক্তুনা লোইশিন্দুনা লৈরম্মো। ইমা হৌজিকমক কৈথেল চৎতুনা ইচানুপী বেমবেমগী অহনবা ফুরিত্‍ অমতা লৈরুখিগে। “