ড. ক্ষেত্রিময়ুম মাধবীগী ‘থম্মোয় মচেৎ’ শৈরেং লাইরিক আগরতলাদসু ফোঙখ্রে
আগরতলা, ৬ ডিসেম্বর : শক্নাইরবী অইবী ড. ক্ষেত্রিময়ুম মাধবীগী ‘থম্মোয় মচেৎ’ ত্রিপুরাদসু ফোঙখ্রে। পেট্রিওটিক রাইটার্স ফোরাম, ত্রিপুরা অমসুং লময়ানবা সংস্থা অনীনা খুৎ শম্নরগা চৎখিবা ডিসেম্বর ১, নজরুল কলাক্ষেত্র নিকোল সাহিত্য একাডেমি গী কনফারেন্স হোলদা পাঙথোকখিবা থৌরমদা লাইরিক মায়খুম হাংদোকখি।
লাইরিক ফোঙবগী থৌরমদা মণিপুর লৈঙাক্কী আর্ট এ্যন্ড কালচার লোয়শঙগী ডিরেক্টর ওইবিরম্বী কে সোবিতানা চীফ গেস্টকী ৱারোল পীদুনা মাধবীগী তুংগী পুন্সি য়াইফবা ওইসনু হায়না থৌনিজখি। থৌরমদু ত্রিপুরাগী আই. সি. এগী এসিঃ ডিরেক্টর ওইবিরম্বা লৈশাংথেম কুমারনা প্রেসিডেন্ট ওইখি।
অদুগা মণিপুর ষ্টেট সেন্ট্রাল লাইব্রেরীগী চীফ লাইব্রেরীয়ান আরকে উর্মিলা দেবীনা গেষ্ট অব অনার ওইখি। শৈরেং লাইরিক অসি লময়ানবা সংস্থাগী চীফ এডভাইজর ৱাংখেম বীরমঙ্গলনা নৈনখি। পেত্রিওটিক রাইটার্স ফোরাম, ত্রিপুরাগী এডভাইজর এন প্রনোয় সিংহনা ওক্না-ৱারোল পীখি অদুগা লাইরিক্কী অইবী ক্ষেত্রিময়ুম মাধবীনা ময়ামগী মতেং য়াওখিবগী তৌবিমল খঙবা উৎতুনা ৱা ঙাংখি। থৌরম অদুদা পেট্রিওটিক রাইটার্স ফোরাম, ত্রিপুরা ব্রাঞ্চকী প্রেসিডেন্ট গুরুময়ুম বিপ্লব শর্মাসু শরুক য়াখি। পনবা য়াবদি ইম্ফালদা লাইরিক অসি চৎখিবা অক্টোবর তাং ২১, মণিপুর প্রেস ক্লাবতা অহানবা ওইনা ফোঙখ্রবনি।
সোর্স: মরূপ
0 কমেন্ট:
কমেন্ট তৌবিয়ু