গম্ভির সিংহ অমদি নর সিংহগী মীতম খীল্লগনি: সেরাম হেরাজিৎ
ইম্ফাল, ওক্তোবর ২৫ : মণিপুরবু অৱানা খুদুম চন্দুনা চহী তরেৎ খুন্তাকখ্রবা মতুংদা ইনিংথৌ গম্ভির সিংহ অমদি নর সিংহ মহারাজ অনীনা কুমজা ১৮২৬ কী দিসেম্বর ২৩দা অৱাবু মায়থীবা পীদুনা মণিপুরবু অমুক হন্না নীং-খা তমহনখিবগী মণিপুর লেভি হায়বা লান্মী তেঙ্গোল শেমগৎখিবা মফম কছারগী চান্দপুরদা গম্ভির সিংহ অমদি নর সিংহ অনীগী মীতম খীল্লগনি হায়না সেরাম হেরাজিৎনা ফোঙদোকখ্রে।
মহারাজ গম্ভির সিংহ
ৱাফম অসি ঙসি মহারাজ গম্ভির সিংহ মেমোরিয়েল কম্মিটি, চান্দপুর অমদি মণিপুরী য়ুথস ফ্রন্ট ওফ অসাম (এম ৱাই এফ এ) না পুন্না পাঙথোকখিবা মীফম অমদা ফোঙদোকখিবনি। চান্দপুর কছারগী কৈশাম বিদ্যাপতিগী য়ূমদা পাঙথোকখিবা মীয়ামগী মীফম অদুদা মহারাজ গম্ভির সিংহ মেমোরিএল কম্মিটিগী প্রেসিদেন্ট কৈশাম বিদ্যাপতি, এম ৱাই এফ এগী প্রেসিদেন্ট থাংজম ব্রোজেন, এ এ এম এম পি এলগী প্রেসিদেন্ট বেনি মিশ্র, তম্পাক ময়ুম রেহানউদ্দিন অমদি নন্দেশ্বর সিংহানা প্রসিদিয়ম মেম্বরশিং ওইনা শরুক য়াখি।
মীফম অদুগী ৱাহৌদোক পীরদুনা সেরাম হেরাজিৎনা মখা তানা ফোঙদোকখিবদা, মীতৈ ঐখোয়না মণিপুর লেভি শেমখিবা অসিবু নীংশিংবা ওইনা লাক্লিবা দিসেম্বর ২৩দা মণিপুর লেভিগী মীতম হাংদোক্নবগী শেম-শাবা লোইরে হায়খি। মীফমগী মখা তারকপদা মীওই ৩০ রোম্না শাবা সব-কম্মিটি কয়াসু শেমখ্রে হায়রি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু