কদায়দা বিন্দুসি নম্লসিগেঃ ওজা থিয়াম ইবোহলবু নীংশিংলুবদা
ওজা ইবোহল, কবি চাওবগা শকমান্নরুবনা ময়াম্না মহাকপু ওজা চাওবা হায়না খঙনৈ। করিগুম্বা সাহিত্যগী থৌরমদগা থেংনবদা য়াম্না নুংঙাই। মিং পন্দুনদি কৌরক্লোই। মহাক্কী য়াম্না রাশি লৈবা মখোল থোক্তনা নোকপা মীনোক্তু নোক্লক্কনি। ৱা অমা মদুগী মীনোক অদুদা ফুমজিল্লবগুম উই। করিনো খঙদবা ঈঙ্গিৎ পীরকপসু য়াওই। হেন্না নুংঙাইরিবনা, ওজাদা মলোম লৈতে। ফনা শাউরবসু মহাক্কী নোকমিবা মতৌ অমসুং ফাগি পুবা মচৎনা পূম্নমক কাউহল্লি। মীওইবগী মচং ওইরবা লমচৎ অসিমক কলক্নীংঙাইনি। য়াম্না নুংশিহল্লি।
অহিংবশিংগী তাইবঙপান্দা তাঙাইফদনা অশিবগী মফম অমা, মফম খঙদনা হিংলম্লিবসি করম্বা তাইবঙপোকপীগী থৌজালনো খঙদে। মসি য়ানীংদে হায়বদি নত্তে। পেনবদি পেন্দে। মসি য়ানীংদে হায়বদি নত্তে। পেনবদি পেন্দে। পুন্সিশিং মশক থোইদোক হেন্দোকপা মতৌ অমা মসিনা ফনা লেপহন্দুনসু, পূক্নীং য়াম্না পেঞ্জদে। নীংঙমদবগী মপুন পুনশিন্দুনা কপ্নীংহল্লি। মফম ইখঙ খঙহৌদনা ওজা থিয়াম ইবোহল, কবি চাওবনা তাইবঙ থাদোক্তুনা চৎখিবসি পূক্নীংদা য়াম্না নুংশুকনুজানহল্লি। করিগুম্বা য়াম্না পামজবা পোৎশক অমা মফম খঙদনা মাঙখিবগা চপ মান্নৈ। ফাগি তৌরগা নুংঙাইজবা, নোকচবতগী শাহুম চেঞ্জবা মহাক ঙসিদি অমুক হন্না উররোই। মহাক্কী তৌথোরকপদা পকচবা ফাগিদু অসুম নীংশিংলি। তৌরকপা ফাগিদা মসিমদি খাকচিনদুনা থমগনি হায়না লৈতে। মাঙগী তুংগী পূম্নমক তুনা ঊৎথোকপা, য়াম্না থম্মোয় তেংথোকপা অমসুং তেংথোক্লগদবা মতৌদা তৌরক্কনি। অখাকপা লৈতনা থোংলক্কনি। নোক্নীং মথেল লাংবদা পূমশু শুই। কনাগী শুক্তানি নৎত্রগা শিংজু পংতোৎ তোৎশিল্লি। তোঙান্না অমতা তোপ্না থমদে। মান্নবা মীৎয়েং অমদা থমদুনা ইশুপ শুপচিল্লি। মরৌ লৈরবা তাইবঙ পূংচম চমথোক্না নোক্না লৈমিন্নবা মহাক্কী পান্দম্নি। ঙক্তবা ঙমদে। ঙক্কনি। করিগুম্বা ওজানা শাউননবা লক্নদুনা, শাউরগনি হায়বসু খঙলবা মদুগী মহুৎ শাউদদুনা ওন্ন-তৈনবা মওংদা নোক্লকপা থোক্লবদি চেকশিনগদবনি। নোক্না নোক্না শাউবা, য়াম্না তাঙনা চেনবা মীওইবগী মচৎতা নুংশিনা থোকপা রাশি অমা ওজাদা লৈ।
ফনা শাউদুনসু নুংশিবদা ওন্থোক্তুনা লৈবা হায়বসি অতাঙবনি। চেকশিন্দবা য়াদে। খঙন চান্নবশিং খঙলগা য়াম্লদি নোক্নীংগদবা, থোক্লিবা মশাদদি খরা ইকায়গদবা থবক মীমাঙদা ঊৎথোক্তবা ফৈ। মহাক্কী নুংঙাইনবা মথেল অমা মদুনা শুংলকপদা থোইদোক্না ঙক্নীংঙাই ওইদে। মহাক্কী ৱাখলদা নুংঙাইনবগীদমক নুংঙাইবা মতৌদি নুংঙাইনা অমকপা য়াওদা উৎথোকপা পামজৈ। হিবগী নুংঙাইবা খক লেম্না মাঙহন্দে।
ওজা ইবোহল, কবি চাওবগা শকমান্নরুবনা ময়াম্না মহাকপু ওজা চাওবা হায়না খঙনৈ। করিগুম্বা সাহিত্যগী থৌরমদগা থেংনবদা য়াম্না নুংঙাই। মিং পন্দুনদি কৌরক্লোই। মহাক্কী য়াম্না রাশি লৈবা মখোল থোক্তনা নোকপা মীনোক্তু নোক্লক্কনি। ৱা অমা মদুগী মীনোক অদুদা ফুমজিল্লবগুম উই। করিনো খঙদবা ঈঙ্গিৎ পীরকপসু য়াওই। হেন্না নুংঙাইরিবনা, ওজাদা মলোম লৈতে। ফনা শাউরবসু মহাক্কী নোকমিবা মতৌ অমসুং ফাগি পুবা মচৎনা পূম্নমক কাউহল্লি। মীওইবগী মচং ওইরবা লমচৎ অসিমক কলক্নীংঙাইনি। য়াম্না নুংশিহল্লি।
মতৌ করম্না মীওইবশিংগী মরক্তা মাগী ঐগী ওইবা ৱাখল তিনশিন্নদুনা, ওজাদা ঐ নৎত্রগা ঐঙোন্দা ওজা, অইবসি তিনশিনখিবনো খঙহৌদে। ওজা থাংজব ইবোপিশক্না ওজাবু মহাক্কী গুরুনি হায়দুনা মশক তাকই। ৱারী কয়া লৈ। পুন্সিগী অয়াকপা, অখাবা, অথুম্বা অমদি অশিনবা কয়াগী মহাও খঙহন্দুনা পুন্সিবু হেন্না মশক থোকহনখি। অইবগী তাইবঙপান্দা হেন্না ময়েক শেংহনখিবগী ৱা তৎতনা পল্লি। নোংমা পূন্না থেংনবা নুমিৎ অমদা ফম্মিন্নদুনা ৱারী শানখি। মী অমগা অমগগী নক্নবা হায়বসি উনবা অমসুং ৱারী শান্নবগী খুদোল ওইরমাল্লে। মসিননি অপূনবা পূক্নীংশিং পূন্না পূনশিল্লকখি। মফম খঙদ্রবা শকখঙনবগী লমদম তান্না পুখি। ৱাখলদা শাদোঙনহল্লি। ৱারী পুনখি। মসি নৎতবা খঙনা চান্নবা নুংশিনবদবু মীৎমাঙদা পুথোক্তুনা ঊৎথোকপা ওইথোক্কদ্রা? খল্লু খল্লুরগা পূক্নীং য়াম্না নুংশিরকই। পিক্নিক কয়াদা পূন্না লাংমিন্নখিবা মীনোক্কী তাইবঙপান্দা অমুক্কসু হন্না নোকমিন্ননীংঙি। করিসু নৎতবা তাইবঙপান্দু ৱাহন্থোক য়াম্না থোকহল্লকই। মহাক্কা অমুক্তং হিংননবগী মায়ওন অমদগী সাহিত্য খজিক্তং লাপথোকখি। অদুমকপু পাউ পীরুরবদি শোয়দনা মথৱায় য়াওনা লাক্কনি। মহাক মশানা তাইবঙপান থাদোক্লমদাই মশাগী শৈরেংশিং নীংশিংলম্মী। হৌখিবা কয়া হন্না কৌনীংবগী মমি তারি।
ঈথক হৌহল্লি। ইপোম কাই। থম্মোয়দা কারকপা নুংওনবগী মপাউবু কনানা য়ৈশিন্দুনা থম্বা ঙমগনি ! ফুমজিল্লুরবদা মনিল কারগদবা মৈগী চীংনি। নমশিন্দুনা থমখি বিন্দু অমা, লাই অমগী বিন্দু। কদায়দা নমখিবা করি ৱাহন্থোক পুরবা বিন্দুনো? কয়াম কুইনা লৈখি? খোয়থুম্নরবা মোমোন মীনোক্কী চীনবান্দা নৎত্রগা পাম্বোমদা নুংশি নুংওনগী ঈথক কারাব, অপাম নুংশিগী লম য়ৌরবা মফোঙদোক অমা থম্মোয় খোন্না চিংশিলহল্লি। পাউ তম্লি নুংওল্লমগী। মতমদুদা য়াম্না শাপূ কল্লবা খোঞ্জেল অমা ওইখি।
অশেংবা মহাক্কী শৈরেং মফোঙদোক অসিদা মশাদা পকশিন্দুনা লৈরবা মগুণ ময়েক শেংনা চোংথোরকই। অচঙবা মীগী মতীক য়াওই। তিন্নখিবা মরূপশিংনা থাদোক্নদনা তিন্নৈ। ওজানসু মমান্নবশিংবু লূম্না লৌজৈ। তৌবগীদি মহাক মশাদা পকশিল্লিবা মতীক মগুনশিং পূম্বা লাইবক থীবনা মীযামদা ময়েক শেংনা ঊৎথোকপা ঙমখিদে।
মরক্তা ঊৎথোক্ননবা হোৎনরবসু ঙম্লমদনা তাইবঙপান থাদোক্তুনা চৎখ্রে। তৌরিগুম্বসুং মহাক্কা পুনমিন লাংমিন্নবা কয়াদদি নুংশিরবা থৌদোক কয়া য়েন্থোক্লমী। মসিদি মৈনা ঈশিংনা চামদুনা কোক্লরোই। ঐখোয় তাইবঙদা হিংলিবা মীপূম খূদিংমক, অমগা অমগা ফনা নুংশিনদুনা, পূনশিন্নদুনসু অরোইবা মতমদা সনাগী হি তোঙলদুনা তপ্না তপ্না হোন্দোকখিবা তাবনি। মাগী থৱায়না হোনখিসনু ঈমায় চোল্লবা ঈপাকসিদা ঈথক অমতা হৌহন্দনা। অতোপ্পা তাইবঙ মপুগী লৈকোন্দা ঈংনা য়ৌরুবা ওইরসনু। অদুবু ৱাখল অমদি…
All things fall back into the earth and also arise from the earth. –Cicero.
0 কমেন্ট:
কমেন্ট তৌবিয়ু