এম এল এ নলিনীনা নিংথম খুদোল তমখ্রে
ইম্ফাল, ওক্টোবর ১৬ : ওইনাম কেন্দ্র গী এম এল এ ইরেংবম নলিনীনা মহাক্কী কেন্দ্রগী মনুংদা হাংবা রিলিফ কেম্প অহুমগী ইনমেতশিংদা নিংথম খুদোল ওইনা কম্বল খুদোল তৌখ্রে। এম এল এ নলিনীনা ওইনাম গবর্নমেন্ত হায়ার সেকেন্দারি স্কুলদা হাংবা রিলিফ কেম্প লৈমরাম গবর্নমেন্ত হায় স্কুলদা হাংবা রিলিফ কেম্প অমদি লৈমরামগী এস সি গার্লস হোস্তেলদা হাংবা রিলিফ কেম্পকী ইনমেত ৩০০ দা নিংথম খুদোল ওইনা কম্বল পীখি।
এম এল এ ইরেংবম নলিনীনা ফোঙদোকখিবদা, হৌখিবা মে ৩ দগী থোক্লিবা কাঙলূপকী ঈরাং অসিনা মীয়ামদা অসুক্কী মতীক অৱাবা পীরে। হান্না নুংশি-চান্ননা লৈমিন্নরম্বা ইচিন-ইনাওশিং য়ূম-কৈ মৈ থাকিবা অদুনা মরম ওইরগা লাঞ্জেন্নরক্তুনা রিলিফ কেম্পতা চঙজফম লৌরিবশিংদা ঙসি নিংথম খুদোল অসি তম্বনি।
এম এল এ ইরেংবম নলিনীনা মখা তানা অসুম্না হায় মদুদি, কাঙলূপ ৩৪ না নুংশি-চান্ননা হিংমিন্নরিবা মণিপুরদা কুকিনা তাল্লিবা দিমান্দ অসি ওইথোক্তবনি। এম এল এ ১০ না কুকিলেন্দ তাল্লবসু এম এল এ ৪০ না মখোয়গী মায়োক্তা লৈ। কুকিনা চত্থরিবা হিংসাশিং অসি খঙবদগী সেন্ত্রেল গবর্নমেন্তনা কিলোমিটার ৭০ বোর্দার ফেন্সিং তৌনবা থৌরাং তৌরে। এন আর সি চৎনহন্নবসু ইন্দিয়া গবর্নমেন্তনা ইন্সত্রাক্সন পীরক্লে।
থোক্লিবা ঈরাং অসি ম্যান্মারোমদগী লাকপা ইলিগেল মাইগ্রেন্তশিংনা থোকহনবনি হায়বসি ঙসিদি ইন্দিয়া গবর্নমেন্তসু খঙলক্লে। মহৈরোয় অনী মাঙখিবা অসি স্তেত গবর্নমেন্তনা সোরিয়াস ওইনা লৌরি। ওইনাম কেন্দ্রগী মনুংদা হাংলিবা রিলিফ কেম্পতা লৈরিবা ইনমেতশিং গী অৱাং-অপা খুদীং য়েংশিন্নবা অঙম্বা থাক্তা হোৎনগনি। রিলিফ কেম্প অহুম চলাইরিবা ভলুন্তিয়ারশিং দা অৱাৎ-অপা য়েংশিন্নবা শেলগী তেঙবাংসু পীখি।
রিলিফ কেম্প অদুদা লৈরিবা ইনমেত অমনা ফোঙদোরকপদা, হৌজিক ইংবগী চাং হেনগৎলকপা মতম অসিদা এম এল এনা নিংথম খুদোল পীবীবা অসিগীদমক চাউথোকচৈ। মখা তানসু এম এল এ না মতেঙ পাংলক্কনি হায়বগী থাজবা থম্লী।
সোর্স: পোক্নফম
0 কমেন্ট:
কমেন্ট তৌবিয়ু