আপডেট:
image

এমকে বিনোদিনিগী কুমওন থৌরম মনুং চন্না ‘ফোঙদোক্লোন’ রিলিজ তৌখ্রে

ইম্ফাল, জুলাই ২৪: মহারাজকুমারি বিনোদিনিগী চহী অমা চুপ্না পাঙথোরক্লিবা মপোক কুমওন থৌরমগী মনুং চন্না ঙসি জে এন এম দান্স একাদেমিগী ওদিটোরিয়ামদা পাঙথোকখিবা থৌরম অমদা ডা. শান্তিবালানা ইবা ‘ফোঙদোক্লোন’ কৌবা লাইরিক অমা রিলিজ তৌখিবগা লোয়ননা লৈখিদ্রবীগী মফমদা হৈকৎ লৈকৎ তমদুনা ইকায়খুম্নবা উৎখ্রে।

পলেম পন্থৌ কালচারেল ট্রাষ্টনা স্পোন্সর তৌরগা লৈমরোল খোর্জৈকোল (লৈকোল) না শীন্দুনা পাঙথোকপা থৌরম অসিদা এম য়ুগী স্কুল ওফ হ্যুমেনিটিজগী দিন প্রোফেসর এন অরুনানা লৈকোলগী শক্নাইরবী থোইবী দেবী, মহারাজকুমারি বিনোদিনি অমসুং খাইদেম প্রমোদিনিগী মপোক কুমওন থৌরমশিং পাঙথোক্তুনা লাক্লি। অইবী য়োৎশুবী মখোঙ অহুম হায়রগসু খঙনবা অইবীশিং অসিগী চহী ১০০ শুরকপগী চহী অমা চুপ্না নীশিং থৌরম পাঙথোক্তুনা লাক্লি হায়রদুনা ঙসিগী থৌরম অসিসু এম কে বিনোদিনিগী কুমওন মনুং চন্না পাঙথোকপনি হায়খি।

লৈকোল অসি অইবী নুপীশিংতগী ওইনা এম কে বিনোদিনিনা হৌদোকপীরম্বনি হায়রদুনা লৈখিদ্রবী অইবীনা লাই য়েকপা য়াওনা শক্লোন কয়াদসু থৌদাং লৌরম্মী। ফিল্মদসু অইবী অমা ওইনা অচৌবা থৌদাং লৌরম্মী হায়খি। লৈকোলগী প্রেসিদেন্ট কে এস ঐচ সুবদনিনা থৌরম অসিগী ময়ায় তাংবল লৌরগা ট্রাস্টকী প্রেসিডেন্ট বুধ চিংথামনা অখন্নবা মীথুং ওইখি। থৌরমগী মনুং চন্না ফিল্ম অমদি থিয়েটারগী লমদা ঐনা লোয়নতিন্নজহৌবা মহারাজকুমারি বিনোদিনি হায়বা টোপিকতা শক্নাইরবা এক্টর কাঙবম তোম্বনা ৱাঙাঙলোই ওইদুনা ৱা ঙাঙখি। থৌরমগী অনীশুবা সেসনদা লৈকোলগী ভাইস প্রেসিডেন্ট চোংথাম ওংবী সুবদনিনা শৈদিন মপু ওইদুনা শৈরেং শৈদিন্নবসু পাঙথোকখি।

সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু