image

ইরাবত লৈখিদবগী নীংশিং থৌরমদা লাঙ্গোল ইবোয়াইমদা এৱার্দ খুৎশিন্নখ্রে

ইম্ফাল, সেপ্টেম্বর ২৬ : পেট্রিওটিক রাইটার্স ফোরাম মণিপুরনা বিরমঙ্গোল কোলেজ গী আই কিউ এ সী অমদি মণিপুরী দিপার্টমেন্টকা খুৎশম্নরগা কোলেজ অসিগী মাল্টিপার্পজ হোরদা ঙসি অয়ুক লময়ানবা ইরাবত লৈখিদবগী ৭২ শুবা নীংশিং থৌরম পাঙথোকপগা লোয়ননা ফোরাম অসিনা চহী খূদিংগী পীদুনা লাকপা লময়ানবা ইরাবত লাইফ টাইম এচিভমেন্ট এৱার্দ ২০২৩ সিনিয়র জার্নেলিষ্ট, অইবা অমদি সোসল এক্টিভিষ্ট লাঙ্গোল ইবোয়াইমদা পীদুনা ঈকায় খুম্নবা উৎখ্রে।

লময়ানবা ইরাবতকী ফোটোদা হৈকৎ-লৈকৎ তমদুনা ঈকায় খুম্নবা উত্তুনা পাঙথোকখিবা থৌরম অদুদা বিরমঙ্গোল কোলেজগী প্রিন্সিপাল ডো. এ সুরেঞ্জিৎ, কোলেজ অসিগী আই কিউ এ সীগী কোওর্দিনেটর ডো. সলাম রাজেশ, প্রেট্রিওটিক রাইটার্স ফোরামগী প্রেসিদেন্ট নাওরোইবম খম্বা লুৱাংনা মথংশিৎনা অথোইবা মীথুংলেন, অখন্নবা মীথুংলেন অমদি থৌরম মপু ওইনা শরুক য়াখিবগা লোয়ননা ফোরাম অসিগী ভাইস প্রেসিদেন্ট পি বিপ্রচান্দ অমদি বিরমঙ্গোল কোলেজগী এন্থ্রোপোলোজি দিপার্টমেন্টকী ঐচ ও দি ডো. নাওরেম মেঘচন্দ্রনা নেসনেলিজমগী ৱাখল্লোন শাগৎপদা লময়ানবা হিজম ইরাবতকী থৌদাং হায়বা হীরমদা ৱা ঙাংখি।

অথোইবা মীথুংলেন ওইখিবা বিরমঙ্গোল কোলেজগী প্রিন্সিপাল ডো. এ সুরেঞ্জিৎনা হৌরক্লিবা মহৈরোয়শিংদা মমা লৈবাক নুংশিবা হেনগৎহন্নবগীদমক সিলেবাস করিক্যুলম শেশ্বদা নেসনেলিজমগা মরী লৈনবা চেপ্টারশিং মরাং কায়না হাপ্প মথৌ তারে। লময়ানবা ইরাবতপু ঐখোয়না নীংশিংলিবা অসিমক ঙসিগী মীরোলশিংনা ঐখোয়গী ইরৈপাক ইরমদম অসিবু নুংশিজবগী খুদম অমনি। এৱার্দ ফংখ্রবা লাঙ্গোল ইবোয়াইমনা লময়ানবা হিজম ইরাবতকী পুন্সিগী হৌরকপগী ৱারীগা ঐহাক্কী পুন্সিগা মান্নবা অমা লৈ। পীক্লিঙৈদা ইরাবত মনেনা য়োক্লকপগুম ঐহাকসু পীক্লিঙৈ মতমদা ইনেনা য়োকপীরকখি। ইরাবতকী খুদুং ইন্দুনা ঙমজবা থবক খরা তৌজরিবা অসিদা পেট্রিওটিক রাইটার্স ফোরামনা খঙবীদুনা এৱার্দ পীবীবগীদমক্তসু থাগৎচরি হায়খি।

সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু