আপডেট:
image

ইন্দিয়াগী লিন্থোইনা জুদো ৱার্ল্ড চেম্পিয়নশিপতা পুৱারী ওইহৌরগদবা গোল্ড মেদেল লৌখ্রৈ

নিউ দিল্লী, আগস্ট ২৭ : সারাজেভোদা পাঙথোকপা ৱার্ল্ড কেদেট জুদো চিম্পয়নশিপতা ইন্দিয়াগী লিন্থোই চনম্বমনা নুপীমচাগী কেজি ৫৭ কী কাঙলূপ্তা পুৱারী ওইহৌরগদবা গোল্ড মেদেল লৌখিবগা লোয়ননা লৈবাক অসিগী ৱার্ল্ড জুদো টুর্ণামেন্টতা অহানবা গোল্ড মেদেল ফংবা শান্নরোয় ওইবা ঙমখ্রে।

চহী ১৫ শুরবী মণিপুরদগী শান্নরোয় অসিনা এরেনা হোটেল হিলসতা পাঙথোকখিবা নুপীমচাগী কেজি ৫৭ কাঙলূপকী ফাইনেলদা ব্রাজিলগী বিয়ানকা রিসপু মায়থীবা পীদুনা পোদিয়ামগী মকোক্তা লেপ্পা ঙমখিবনি।

লিন্থোইনা মায় পাক্লবা মতুং ফোঙদোকখিবদা, ঐঙোন্দা হৌজিক ফাওরিবা অসি ৱাহৈনা করম্না ফোঙদোক্কনি হায়বা খঙদে, অদুবু মায় পাকপা অসিদা ঐ য়াম্না হরাউই হায়খি। পনবা য়াবদি, চহী অসিগী জুলাই থাদা বেঙ্কোক্তা পাঙথোকখিবা এসিয়ান কেদেট এন্ড জুনিয়র জুদো চেম্পিয়নশিপকী হুম্নি চনবা নুমিৎতা লিন্থোইনা কেদেট কাঙলূপকী কেজি ৬৩ দা গোল্ড মেদেল লৌদুনা ইন্দিয়াগী মেদেল একাউন্ট হাংবা ঙমখিবনি।

মহাক্না ২০১৮ দা পাঙথোকখিবা সাব-জুনিয়র নেসনেল চেম্পিয়নশিপতসু গোল্ড মেদেল ফংবা ঙমখি। মহাক ২০১৭ তগী হৌনা আই আই এস জুদো প্রোগ্রামগী শরুক অমা ওইনা হেদ কোচ মামুকা কিজিলাশভিলিগী গাইদেন্স মখাদা এক্সপোজর ট্রিপ কয়া চৎখ্রে। মহাক্কী ট্রিপকী মনুংদা জাপানগী য়ুনিভার্সিটি ওফ সুকুবা, জোর্জিয়া, বোস্নিয়া অমদি ৱার্ল্ড কেদেট চেম্পিয়নশিপকী মাংওইননা হর্জিগোভিনাদা পাঙথোকখিবা কেম্পশিংদা শরুক য়াখি।


সোর্স : হুইয়েন লানপাউ

 

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু