image

আসামদা স্নাখ্যা কমলজিৎ অমসুং ঐজ্ঞা কৌশিনীগী চহী চামশুবা মপোক কুমওন পাঙথোকখ্রে

 শিলচর, ২৯ নভেম্বর  মণিপুরী লোলবু ভারত সংবিধানগী ৮ শুবা সেদুল্ডা চনবগা লোয়ননা অৱাংবা থাক্তা পুখৎনবা হোৎনবিরম্বা ত্রিপুরাগী রাজকুমার কমলজিৎ সিংহ অমসুং আসামগী অরিবম কৌশিনী শর্মাগী চহী চামশুবা মপোক কুমওন থৌরম লক্ষিপুরদসু  পাঙথোকখ্রে। মণিপুরী ল্যাঙ্গুয়েজ ডেভেলপমেন্ট সোসাইটি (মালাদেশ), আসাম অমসুং লক্ষিপুর অহল মরূপ অনীনা শীন্দুনা চৎখিবা নভেম্বর ২৪ নোংমাইজিং লৈখিদ্রবা শক্নাইরবা লুচিংবা অনীগী মপোক কুমওন থৌরম খোরিরোল শঙলেনদা মালাদেশ লুপকী প্রেসিডেন্ট প্রোঃ জি নরহরি শর্মা অমদি মণিপুরী সাহিত্য পরিষদ আসামগী ভিপি প্রোঃ ঙাঙোম বসন্ত কুমারন মীফম মপু ওইদুনা পাঙথোকখি।

থৌরম অদু এডভোকেট থোইদিংজম ধীরেন্দ্রনা অথোয়বা মীথুংলেন অদুগা লমদম অসিগী শক্নাইরবা সোসেল এক্টিভিস্ট অরাম্বম বাবাতোম্বীনা অখন্নবা মীথুংলেন ওইনা শরুক য়াখি। থৌরমগী অহানবদা মৈরা থান্দুনা লৈখিদ্রবা লূচিংবা অনীগী শক্তমদা লৈসু কৎতুনা ইকাইখুম্নবা উৎখি। মালাদেশ আসামগী থৌবুরেন এন নীলমনিনা তরাম্না ওকপগী ৱারোল পীখি অদুগা অহল মরূপকী থৌবুরেন ইঙুদম বিনোদনা থৌরমগী ৱাহৌদোক পীখি।

লুচিংবা অনীনা হিংলিঙৈ মতমদা ইং ১৯৮৬ অমসুং ১৮৮২ দা সংবিধানগী ৮ শুবা সেদুল্ডা মণিপুরী লোল চন্ননবা অমদি চাওখৎনবা হোৎনখিবা কয়াবু শীংথারদুনা মখোয় অনীগী পুন্সি অমদি থৌদাং কয়াগী মথক্তা নৈনদুনা পোত্থারবা প্রিন্সিপাল কৈসাম বীরেন্দ্র, সোর্ট ষ্টোরিগী ভিপি খাইদেম কান্তা, খোর্জৈ লুপকী এডভাইজর ইরুংবম প্রভাবতী দেবী,মেম্বর অরিবম সুনীতা, পোত্থারবা ওজা মকোক খাইদেম এইচ মনিমোহন, নহারোল খোরিরোলগী প্রেসিডেন্ট থোকচোম বিশ্বনাথ, জেনারেল সেক্রেটারী ডব্লিউ বিনোয় কুমার, পোত্থারবা ওজা অরিবম নৃপেন্দ্র, পোত্থারবা ওজা এস বীরেন, এস গৌর মেমোরিয়েল লুপকী প্রেসিডেন্ট ইঙুদম কান্তা, পোত্থারবা ওজা মকোক এম গৌরমনি নচিংবা ৱা ঙাংখি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু