আপডেট:
image

আসামদসু মণিপুরদা চৎনরিবা মীতৈ ময়েক চৎনহন্নবা তকশিল্লগনি: এম এল পি সি সি

ইম্ফাল, সেপ্টেম্বর ১২ : আসামদসু মণিপুরদা চৎনরিবা মীতৈ ময়েক অসি চৎনহন্নবা আসাম গভর্ণমেন্ততা তকশিন্নবা ৱারেপ লৌরে হায়না এম এল পি সি সি (মণিপুরী লেঙ্গুয়েজ প্রোতেক্সন কো-ওর্দিনেসন কমিটি) না ফোঙদোরক্লি। কমিতি অসিগী কনভেনর স্বপন অশাংবমনা থাদোরকপা চেরোল অসিনা হায়, আসামদা মীতৈ ময়েক্তা মহৈ তম্বা য়ানবা হোৎনবগী মতাঙদা এম এল পি সি সিগী মখাদা শেমখিবা ৱার্কিং সাব-কমিটিগী মীফম অমা হৌখিবা নোংমাইজিং নুমিৎতা আসামগী বেন্নাকান্দিদা লৈবা বরাক রুরেল দেবলপমেন্ট এজেন্সিগী হোলদা পাঙথোকখ্রে।

আসামগী তোঙান-তোঙানবা লূপশিংগী লুচিংবশিং অমসুং অখঙ-অহৈশিং য়াওনা পাঙথোকপা মীফম অদুনা মণিপুর গভর্ণমেন্তনা এপ্রুব তৌদুনা চৎনরিবা মীতৈ ময়েক আসামদসু চৎনহনবা হায়দুনা অমত্তা ওইনা য়ানখি। ময়েক অসি চৎনহন্নবা খোঙজং চঙশিন্নবগী থৌদাংসু এম এল পি সি সিদা শিন্নখি। লোয়ননা এম এল পি সি সিনা অতোপ্পা ওর্গানাইজেসন অমসুং ইনস্টিত্যুতশিং গা খূৎশম্নদুনা মণিপুরদা চৎনরিবা মীতৈ ময়েক অসি আসাম গভর্ণমেন্তনা এপ্রুব তৌহন্দুনা ময়েক অসিনা মহৈ তম্বা য়াহন্নবা তকশিনমিন্নবা হায়নসু মীফম অদুনা ৱারেপ লৌখি।

লুচিংহন, অহন তরানিথোই, অপোকপা মরুপনা ৱার্কিং সাব-কমিটি অমসুং মীফম অসিদা শরুক য়াবা ঙমখিদ্রবসু লুচিংহন নাওরিয়া অমুস্নানা থারকপা চেরোল মীফম অদুদা পাথোক্তুনা তাহনখি। অমসুং লাইনিংহন নাওরিয়া ফুলোনা থম্বিরম্বা ময়েকপুসু মীফম্না ইকায় খুম্নবা ঊৎখি। অদুমকপু মণিপুরদা চৎনরিবা মীতৈ ময়েক্না হীরম খুদিংমক্তা খুমাং চাওশিনখিবা মরম্না মণিপুরদা চৎনরিবা তম্নরিবা মীতৈ ময়েক অসি আসামদসু চৎনদুনা মহৈ তমহন্নবা অমসুং আসাম লৈঙাক্তা এপ্রুব তৌহন্নবা মীফম অদুনা অমত্তা ওইনা য়ানবা পুরক্তুনা ৱারেপ লৌখবনি। মহৈরোয় অমসুং খুন্নাইগী খন্থরগা লূপশিংনা থাঙজিল্লক্লিবা খোঙথাং অসিদা য়েৎশিনবগী মহুৎ শৌগৎমিন্ননবা আপিলস্ তৌরক্লি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু