অৱাং নোংপোক্কী লুপ কয়ানা কানাডাগী শক্নাইরবা কবি হামোম প্রমোদ ওকখ্রে
আগরতলা, ৩১ জানুয়ারি : চয়োল অমা চুপ্না ভারতকী অৱাং নোংপোক্কী ত্রিপুরা অমসুং আসামগী মফম কয়া খোঙচত্তা লাক্লম্বা কানাডাগী শক্নাইরবা অইবা অমদি মণিপুরী মিরর গী এডিটর ইন চীফ হামোম প্রমোদবু তোঙান তোঙানবা লুপ কয়ানা ওক্তুনা ইকাইখুম্নখ্রে। মণিপুরী লিটরেরী এ্যন্ড কলচরেল ফোরাম, ত্রিপুরা, ৱার্ল্ড মীতৈ কাউন্সিল, ত্রিপুরা ব্রাঞ্চ অমসুং পুথিবা ওয়েলফেয়ার এ্যন্ড কালচারেল সোসাইটি না তোঙান তোঙানবা থৌরমদা মেমেন্টো, লেংয়ান, লাইরিক অমদি মখল কয়াগী খুদোল পোৎ পীদুনা ইকাইখুম্নখি। আসাম পরিষদকী খল্লবা প্রেসিডেন্ট ড. পিএইচ বীরমনি অমসুং এস নেত্রজিৎ অনীবুসু ওকখি।
জানুয়ারি ২৬, ধলেশ্বরদা গেট-টুগেডর থৌরম অমদা সাহিত্য পরিষদনা ইকাইখুম্নখিবনি। শিলচরদগী ফংবা পাউদা মণিপুরী মিররগী এডিটর ইন চীফ হামোম প্রমোদবু নহারোল রাইটার্স ফোরাম, আসামনা তরাম্না ওকপগী থৌরম ঙসি জানুয়ারি ৩০, সিঙ্গেরবন্দ মডেল হাই স্কুল হোলদা পাঙথোকখ্রে। ফোরামগী প্রেসিডেন্ট সাজবম তাহিরনা থৌরম মপু ওইরগা গেষ্ট অব ওনর ওইনা ওজা থোকচোম বিশ্বনাথ, গুরুময়ুম নরহরি, তম্পাক ময়ুম জমালউদ্দিন, মুহিবুর রহমান, আব্দুল হামিদ নচিংবা শরুক য়াখি হায়রি।
বরাক ম্যুজিয়ম এ্যন্ড লাইব্রেরীনসু শক্নাইরবা কবি হামোম প্রমোদ ওকখি। থৌরমদা কে শচীন শর্মা, এস মেঞ্জর, এইচ বিমোল, এইচ বিমোল, এইচ রাজমনিনচিংবা শরুক য়াখি।
সোর্স: পোক্নফম
0 কমেন্ট:
কমেন্ট তৌবিয়ু