অশাংবম মিনকেতনগী পুন্সি অমসুং থবক হায়বা হীরমসিদা লিতরেরি ফোরাম পাঙথোকখ্রে
ইম্ফাল, জানুয়ারি ২৭ : মাঙ থানা চৎখ্রবা মশক নাইরবা খূৎমাবা অইবশিংবু মতমগী মীরোলগী মফমদা মশক খঙহন্নবগী পান্দমদা মণিপুরী সাহিত্যগী লমদা মশক নাইবা ফিদা অমা কনখিবা পদ্মশ্রী অশাংবম মিনকেতন সিংহগী পুন্সি অমসুং থবক হায়বা হীরমসিদা লিতরেরি ফোরাম অমা ঙসি আগরতলাদা লৈবা সাহিত্য একাদেমিক ওরেল লিতরেচরগী কনফারেন্স হোলদা পাঙথোকখ্রে।
সাহিত্য একাদেমী নিউ দিল্লীগী মতেঙগা লোয়ননা মণিপুরী লিতরেরি এন্দ কালচারেল ফোরাম, ত্রিপুরানা শীনবা থৌরম অদুগী অহানবা সেসন্দা মণিপুরী লেংগ্বেজ এদভাইজরি বোর্দকী কনভেনার প্রোফেসার রাজেন তোইজম্বা, সাহিত্য একাদেমী মণিপুরী বোর্দ মেম্বার খোইস্নাম বিরোলা, কোলকতা রিজনেল ওফিসকী এসিস্তেন্ট এদিতর ক্ষেত্রবাসী নাইক শরুক য়াখিবগা লোয়ননা মীয়াম্না লৈখিদ্রবা কবি অসিগী ফোটোদা লৈ-শু কৎতুনা ইকায়খুম্নবা ঊৎখি।
অনীশুবা সেসন্দা শক্নায়রবা অইবা নোংশাতাবম নিরঞ্জন দত্তনা চেয়ারমেন লৌদুনা দাঃ রাজকুমারী মুশুকসনা দেবী, দাঃ হুইরেম ভারতি অমসুং নিংঙোম্বম প্রনয় সিংহনা কবি অশাংবম মিনকেতনগী পুন্সি অমসুং পাঙথোকপীরম্বা থবক্কী মতাঙদা চে পাঙথোকখি।
থৌরম অদুদা শক্নায়রবা লোংজম জয়চন্দ্র, দাঃ থোকচোম ইবোহনবী, অশাংবম নেত্রজিৎনচিংবসু শরুক য়াখি।
সোর্স: পোক্নফম
0 কমেন্ট:
কমেন্ট তৌবিয়ু