‘আর্ত ওব ইস্ত ইন্দিয়া’ ঊৎতুনা মণিপুর মশক তাকখ্রে
ইম্ফাল, ওক্টোবর ৫ : মণিপুরবু মালেমগী ফেসনগী মেপ্তা য়াওহনবগী পান্দমদা ফেসনগী কেপিতেল হায়না খঙনরিবা পেরিসতা লমদম অসিগী শক্নায়রবা দিজাইনর অমদি হেন্দলুম ওন্ত্রপ্রেন্যুর রোবার্ত নাওরেমনা মহাক্কী কল্রেক্সন ‘আর্ত ওব ইস্ত ইন্দিয়া’ ঊৎতুনা মণিপুরগী ক্রাফত্স অমদি হেন্দলুম মশক তাকখ্রে।
রোবার্ত নাওরেমনা মণিপুরগী ইনাক খুল্লবা তেক্সতাইল হেরিতেজ অসি লেপ্তুনা মালেমগী ফম্পাক্তা মশক তাক্তুনা লাক্লি। পেরিস ফেসন উইক্তা মহাকপু ইন্তরনেসনেল ফেসন শোদা শরুক য়ানবা বার্ত্তন তৌরকপগী মতুংইন্না, মহাক্না ইন্দিয়াগী মহুৎ শিন্দুনা ঙরাং পি পি প্রদাক্সন হাউসনা ওর্গানাইজ তৌদুনা পেরিসকী মেলিয়া লা দিফেন্সতা পাঙথোকখিবা ইন্তরনেসনেল ফেসন শোদা শরুক য়াদুনা মণিপুরগী ইনাক খুল্লবা তেক্সতাইল হেরিতেজবু মালেমগী মীয়ামদা মশক তাকখ্রে।
তোঙান-তোঙানবা লৈবাক ২৫ গী দিজাইনারশিংনা মরুক য়াখিবা ফেসন শো অদুদা রোবার্ত নাওরেমনা মহাক্কী খ্বায়দগী নৌবা ‘আর্দ ওব ইস্ত ইন্দিয়া’ হায়না মিংথোনবা, মণিপুরী কলচর, আর্তিস্তিক অমদি ক্রাফ্তকী হৈশিংবা অমদি তোপ-তোপ্পা মগুণশিংদা ইকায়খুম্নবা ঊৎপা কল্লেক্সন অসি ঊৎখিবনি।
রোবার্ত নাওরেমনা মণিপুরগী হেন্দলুম হিঙ্গৎহন্দুনা তুং কোইবা ফেসন অমা ওইহন্নবা মঙলিবা মঙলান অদু মহাক্কী কল্লেক্সন অদুদা মমি তাখি। মণিপুরগী তোঙান-তোঙানবা ইয়োংদা শাবা মুগাদা খূৎনা এম্ব্রোইদরি তৌবা মহাক্কী দিজাইনা অদুনা মালেমগী কৈথেলগী পূক্নিং চিংশিনখি। কল্লেক্সন অদুদা নাৎকা কন্তেম্পররি এস্ততিক্সকা পূন্দুনা মণিপুরগী ফিশাবীশিংনা মখোয়গী হৈথোই-শিংথোইবশিং ঊৎথোক্তুনা ওরিজিনেল ওইনা নাৎকী ফিজোল অমদি ওয়েস্তর্ন সিলুএতসশিং ঊৎখি।
রোবার্ত নাওরেমনা হায়, মহাক্না মসিগুম্বা য়াম্না তাঙলবা মালেমগী থাক্তা পাঙথোকপা ইভেন্ত অসিদা শরুক য়াবা অসিনা মালেমগী মীয়ামদা মশক খঙহনবা য়াম্নমক মথৌ তাবা মণিপুরগী তেক্সতাইল অমদি হেন্দলুম সেক্তর অসিবু মারেমগী ফেসনগী মেপ্তা য়াওহনবা ঙম্লে হায়না ফোঙদোরকখি।
সোর্স: পোক্নফম
0 কমেন্ট:
কমেন্ট তৌবিয়ু